- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомельскі раён. Асаблівая ўвага прафілактыцы ў домаўладаннях
Абстаноўка з пажарамі і гібеллю людзей на іх на тэрыторыі Гомельскага раёна склалася складаная. Асноўная доля пажараў адбываецца ў прыватных домаўладаннях па віне парушэння правілаў пажарнай бяспекі грамадзянамі. У сувязі з гэтым на тэрыторыі Гомельскага раёна працягваюць актыўную працу назіральныя камісіі.
Работнікі Гомельскага раённага аддзела па НС, сумесна з прадстаўнікамі суб'ектаў прафілактыкі і карэспандэнтам Гомельскай раённай газеты "Маяк" адправіліся ў рэйд па пажылым, адзінокім і адзінока пражываючым грамадзянам у Цярэніцкі сельскі савет.
- Асноўная ўвага надаецца прафілактычнай і інфармацыйна-тлумачальнай працы з грамадзянамі, - патлумачыла старшыня сельвыканкама Алена Козырава. - Яна ўключае ў сябе супрацьпажарныя інструктажы з тлумачэннямі па ўстаноўцы і правільнай эксплуатацыі аўтаномных пажарных апавяшчальнікаў, гутарку аб дзеяннях у выпадку ўзнікнення пажару, уручэнне буклетаў.
Першымі ў маршруце наведвання стала сям'я пенсіянераў Бабуліных. Пажылыя людзі жывуць у двухпавярховым шматкватэрным доме, які ацяпляецца дровамі.
- У гэтым доме ўсё ў парадку,- заўважае Анастасія Струкіна, інспектар інспекцыі нагляду і прафілактыкі Гомельскага раённага аддзела па НС, агледзеўшы печ.
Наступнымі, каго наведалі, стала сям'я Лосікавых. Пажылы мужчына і яго жонка з'яўляюцца адзінока пражываючымі. У іх ёсць двое дзяцей, якія жывуць у аграгарадку Бабовічы Гомельскага раёна.
Апынуўшыся ў доме, члены назіральнай камісіі ў першую чаргу цікавяцца самаадчуваннем пенсіянераў. Інспектар МНС абследуе гарышча, правярае спраўнасць ацяпляльнага абсталявання.
- Рэкамендую усталяваць аўтаномны пажарны апавяшчальнік для таго, каб Ваш дом знаходзіўся пад бяспекай, - звяртаецца Аляксандр Падальніцкі да гаспадыні дома.
- Гэта вельмі добра, што клапоцяцца пра пенсіянераў, заўсёды цікавяцца якая дапамога нам неабходная, - распавяла пажылая жанчына.
Падчас рэйду мы абышлі яшчэ з дзясятак домаўладанняў. Усяго ж на тэрыторыі Цярэніцкага сельсавета пражывае 247 сем'яў, якія назіральная камісія наведвае на працягу года неаднаразова.