- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
У аб’ектыве карэспандэнтаў назіральныя камісіі
Карэспандэнты раённай газеты адправіліся на прафілактычную працу разам з гарадскімі назіральнымі камісіямі.
Падчас абследванняў інспектары МНС тлумачаць, як пазбегнуць надзвычайных сітуацый і даюць карысныя парады аб тым, як прывесці сваё жыллё ў пажарабяспечны стан.
Сваю ўвагу члены камісіі надаюць кожнай дробязі. Нядбайным гаспадарам, якія вядуць асацыяльны лад жыцця работнікі МНС нагадалі аб недапушчальнасці курэння ў ложку, аб тым, што нельга выкідваць непатушаныя цыгарэты на падлогу. Не забываюць выратавальнікі звярнуць увагу і на электрычную праводку, якая таксама можа рана ці позна стаць прычынай пажару.
Падчас візітаў з кожным гаспадаром праводзіцца інфармацыйна-тлумачальная гутарка, інспектар указвае на існуючыя парушэнні патрабаванняў правілаў пажарнай бяспекі, тлумачыць як іх устараніць, дае рэкамендацыі і час на прывядзенне жылля ў пажарабяспечны стан.
У дамах, дзе няма праблем з пажарнай бяспекай сустракаюць ветліва. Інспектары толькі у чарговы раз правяраюць спраўнасць і стан аўтаномных пажарных апавяшчальнікаў. А тыя гаспадары, у якіх ёсць парушэнні на парог не пускаюць ці зусім не адчыняюць дзверы.
Асаблівую ўвагу ратавальнікі надаюць наяўнасці і спраўнасці аўтаномных пажарных апавяшчальнікаў.
Аднак спраўнасць аўтаномных пажарных апавяшчальнікаў часцяком выклікае непаразуменне: купіць - купілі, усталяваць - усталявалі, а вось аб тым, што прыбор павінен не проста вісець на столі, а яшчэ і працаваць -нажаль гаспадары забываюць. Але ж спраўны апавяшчальнік на сённяшні дзень - гэта самы надзейны прыбор ў выяўленні ўзгарання на ранняй стадыі.
У кожным доме работнік МНС нагадаў, што рабіць у выпадку пажару, як правільна выклікаць ратавальнікаў, а таксама ўручыў памяткі з асноўнымі правіламі пажарнай бяспекі.