- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Сельскі сход у в. Малешаў
Інспектар Жыткавіцкага раённага аддзела па надзвычайных сітуацыях Фёдар Дудзіч з мэтай папярэджання пажараў і гібелі людзей ад іх правёў сельскі сход з жыхарамі вёскі Малешаў.
Пачаў сваё выступленне Фёдар Дудзіч з аператыўнай абстаноўкі па пажарах, якія здарыліся на тэрыторыі Жыткавіцкага раёна. Агучыў асноўныя прычыны пажараў і гібелі людзей ад іх з адлюстраваннем канкрэтных прыкладаў.
Асноўны акцэнт зроблены на пажарах з-за неасцярожнага абыходжання з агнём пры курэнні, паколькі менавіта на такіх пажарах у раёне загінула некалькі чалавек летась.
Далей Фёдар Дудзіч расказаў аб асноўных правілах пажарнай бяспекі пры эксплуатацыі пячнога ацяплення і электраабсталявання. Указаў на важнасць устаноўкі ў жылых пакоях сваіх домаўладанняў аўтаномных пажарных апавяшчальнікаў, якія на выпадак узнікнення надзвычайнай сітуацыі неадкладна аб гэтым апавясцяць.
У канцы выступлення Фёдар Дудзіч нагадаў прысутным парадак дзеяння ў выпадку ўзнікнення надзвычайнай сітуацыі і нумара выкліку службаў выратавання, а таксама адказаў на ўсе пытанні грамадзян і ўручыў ім памяткі па пажарнай бяспецы.