МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рэйдавае мерапрыемства па месцах зімовай рыбалкі
Лёд - гэта адно з зімовых цудаў, якое прыцягвае не толькі дзятву, але і аматараў зімовай рыбалкі.
Ратавальнікі Жыткавіцкага раёна актыўна праводзяць рэйдавыя мерапрыемствы па вадаёмах горада і раёна, каб паразмаўляць з рыбакамі аб правілах бяспечных паводзін на лёдзе і навучыць аматараў рыбнай лоўлі правілам бяспекі.
Пачаўся маршрут з зоны адпачынку каля ракі "Прыпяць". Часам, праязджаючы па мосце, зважаеш як па абодва бакі маста, сядзяць гадзінамі на лёду ў лунак смельчакі, у чаканні ўлову. І не рэдка задаешся пытаннем, - а ці варта так рызыкаваць дзеля рызыкоўнага хобі? Бо часам рыбу можна і не злавіць, а вярнуцца дадому, не праваліўшыся, хочацца.
Наблізіўшыся да некалькіх рыбакоў, якія прыкмеціўшы людзей у форме, чамусьці занерваваліся. Задаём пытанне:
- Праваліцца не баіцеся, вы ж бачыце, што лёд месцамі тонкі, а недзе ўвогуле адкрытая вада, навошта рызыкуеце?
Адказ засмуціў:
- Ваўкоў баяцца - у лес не хадзіць! Мы займаемся зімовай рыбалкай на працягу 20 гадоў і ні разу яшчэ не правальваліся, таму што навучыліся правяраць лёд на трываласць, для гэтага і прыстасаванні розныя ёсць!
- А чаму без камізэлек?
- Жылеты ў нас ёсць, але мы іх з сабой не бралі яны і машыне ляжаць, лёд жа трывалы!
У мэтах забеспячэння бяспекі ратавальнікі ўручаюць рыбакам наглядна выяўленчую прадукцыю МНС, а таксама расказваюць, як выратавацца, калі ж вы ўсё ж праваліліся пад лёд!
МНС нагадвае
Небяспечна хадзіць па лёдзе, пакрытым снегам. Мала таго, што ён маскіруе палонкі, лёд пад ім звычайна нетрывалы. У вусцях рэк і раўчукоў ён часта бывае ненадзейным на працягу ўсёй зімы. Вадаёмы звычайна замярзаюць нераўнамерна: спачатку ў берага, на плыткаводдзе, у абароненых ад ветра заліва, а затым ужо на сярэдзіне. Галоўная ўмова бяспекі чалавека на лёдзе - адпаведнасць таўшчыні лёду прыкладаемай нагрузцы:
2. самым трывалым лічыцца лёд блакітнага колеру;
3. трываласць белага лёду ў два разы менш;
4. лёд шэры і матава-белы або з жаўтлявым адценнем ненадзейны.
Будь готов
Другие новости
