МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Спасцігаць асновы бяспекі неабходна з дзяцінства
У госці да рагачоўскіх ратавальнікаў прыйшлі выхаванцы санаторнага дзіцячага сада №6 горада Рагачова.
Свой візіт да пажарных малыя пачалі з гутаркі аб бяспецы: яны паўтарылі, як правільна патэлефанаваць у службу выратавання, чым можна патушыць палаючае масла на патэльні, як паводзіць сябе, калі здарыўся пажар дома. Для замацавання атрыманых ведаў хлопцы і дзяўчынкі паглядзелі новую серыю мультфільма "Спецатрад 112".
Яркім і запамінальным момантам было знаёмства з аварыйна-выратавальнай тэхнікай, з аснашчэннем і магчымасцямі пажарных аўтамабіляў. Не абышлося без тых, хто захацеў адчуць сябе сапраўдным ратавальнікам: пасядзець за рулём пажарнага аўтамабіля, прымерыць касцюм ратавальніка-пажарнага. Пабывалі хлапчукі і дзяўчынкі і ў цэнтры аператыўнага кіравання, дзе ўбачылі і пачулі, як дзяжурны прымае ўсе званкі аб аказанні дапамогі ў любой надзвычайнай сітуацыі.
- Пажарныя машыны не толькі прыгожыя, але яшчэ і вельмі вялікія. У іх ёсць столькі розных інструментаў, што я раней і не ведаў пра такія, - падзяліўся сваімі ўражаннямі выхаванец дзіцячага сада. - Я раскажу пра гэта сваім сябрам і бацькам.
Усе госці атрымалі наглядна-выяўленчую прадукцыю, а самае галоўнае – запазычылі шмат новай і карыснай інфармацыі аб правілах пажарнай бяспекі.
Будь готов
Другие новости
