- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рагачоў. Па маршруце малых населеных пунктаў
Рагачоўскія ратавальнікі з мэтай данясення да кожнага грамадзяніна патрабаванняў правілаў пажарнай бяспекі і іх выканання, павышэння культуры бяспекі, а таксама ў рамках рэспубліканскай акцыі «З клопатам аб бяспецы малой радзімы» правялі пажарна-прафілактычную працу на тэрыторыі Дварэцкага сельсавета ў месцах гандлю аўталаўкі.
З мясцовымі жыхарамі пагутарылі аб правілах пячнога ацяплення і эксплуатацыі электрапрыбораў, распавялі аб пажарнай бяспецы ў жылым фондзе, пазнаёмілі са статыстыкай пажараў на тэрыторыі раёна.
- Неасцярожнасць, бестурботнасць і нядбайнае стаўленне да ўласнай бяспекі з'яўляюцца самай распаўсюджанай прычынай узнікнення любой надзвычайнай сітуацыі, - растлумачылі пакупнікам работнікі МНС.
Асаблівую ўвагу ратавальнікі надалі важнасці аўтаномнага пажарнага апавяшчальніка: паказалі і распавялі, як працуе АПА, прывялі прыклады, калі гэты прыбор выратаваў жыцці людзей.
- Я знаходжуся ў гэтай вёсцы толькі летам, а потым з'язджаю ў горад. Але для маёй бяспекі мне сын купіў і ўсталяваў АПА, - распавяла пажарным жыхарка вёскі Бірчанская Слабада.