- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомельскі раён. Простымі метадамі дасягаем вынік!
"Мой дом - мая крэпасць" - абвяшчае народная мудрасць. Аднак не ўсе грамадзяне клапоцяцца аб бяспецы і дапускаюць парушэнні правілаў пажарнай бяспекі. З мэтай прафілактыкі пажараў у жылым сектары на тэрыторыі Гомельскага раёна штотыдзень працуюць назіральныя камісіі.
Іх увага накіравана, у першую чаргу, на пажылых людзей, інвалідаў, а таксама на шматдзетныя сем'і і людзей, якія злоўжываюць алкаголем. У склад камісіі ўваходзяць работнікі МНС, аховы здароўя, сацыяльнай службы, адукацыі і іншых ведамстваў. Узначальвае камісію старшыня сельвыканкама.
Кожны з суб'ектаў прафілактыкі, падчас наведвання домаўладанняў, глядзіць пытанні, якія датычацца іх кампетэнцыі. Пры выяўленні праблем у домаўладанні, гаспадарам не толькі паказваецца на іх наяўнасць, але і даюцца падрабязныя тлумачэнні як лягчэй і хутчэй іх ухіліць.
Акрамя выяўлення небяспечных фактараў у домаўладаннях грамадзян і тлумачэнні ім правілаў бяспекі, удзельнікі назіральнай камісіі часта вырашаюць надзённыя праблемы вяскоўцаў: дзесьці падмыла дарогу, пакасіўся плот, патрэбна дапамога ў рамонце пячнога ацяплення, электраправодкі.
- Нашыя грамадзяне часта звяртаюцца да прадстаўнікоў камісіі з праблемамі, якія тычацца не толькі дзейнасці гэтай камісіі, але і іншымі пытаннямі. Гэта і добра, правільна. Бо гэта выдатная магчымасць атрымаць прамы адказ на пытанне ад кампетэнтных прадстаўнікоў. І сёння няма праблем, якія нельга вырашыць. Назіральныя камісіі - прыклад таго, як простымі метадамі дасягаецца вынік. Прычым комплексна, сумеснымі намаганнямі, - гаворыць начальнік Гомельскага раённага аддзела па НС Іван Егераў.