МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Будні дзяцей са знакам бяспекі!
Маршрут бяспекі ў рамках акцыі «Вакацыі без дыму і агню» па прышкольных лагерах і дашкольных установах адукацыі працягваецца. Работнікі Гомельскага гарадскога аддзела па НС сумесна з прадстаўніком Беларускага добраахвотнага пажарнага таварыства штодзень праводзяць прафілактычныя мерапрыемствы з дзецьмі па асновах бяспекі жыццядзейнасці.
Так, напрыклад, у сярэдняй школе нумар 33 горада Гомеля спачатку прадстаўнік МНС расказала дзецям аб тым, якія надзвычайныя сітуацыі ў сучасным свеце адбываюцца з дзецьмі і наколькі важна выконваць правілы бяспекі як дома, на вуліцы, так і на вадзе. Затым хлапчукі і дзяўчынкі былі падзелены на каманды і спаборнічалі па ведах пажарнай бяспекі, а таксама ў хуткасці і спрыце. І калі спачатку рабятам з дапамогай ракеткі неабходна было перанесці хутка мячык, пры гэтым, не выпусціўшы яго, то ў наступных спаборніцтвах, дзеці пазнаёміліся з правіламі бяспекі па зборы ртуці градусніка, які разбіўся, выкліку ратавальнікаў, разабраліся ў дзеяннях на выпадак узнікнення пажару, а таксама для чаго неабходны аўтаномны пажарны апавяшчальнік.
Акрамя гэтага хлапчукі і дзяўчынкі з лёгкасцю зладзіліся з пазламі бяспекі, прачыталі чатырохрадкоўі і распавялі аб намаляваных на малюнку героях мультсерыяла «Чароўная кніга». Па выніках спаборніцтваў, дзеці атрымалі не толькі шмат карысных ведаў у галіне бяспекі жыццядзейнасці, але і зарад станоўчых эмоцый і памятных падарункаў ад прадстаўнікоў МНС і БДПА. Аналагічныя займальныя прафілактычныя мерапрыемствы былі праведзены і ў іншых прышкольных лагерах горада Гомеля.
Па-за ўвагай ратавальнікі не пакінулі і самых маленькіх. У дашкольных установах адукацыі таксама былі праведзены пазнавальныя мерапрыемствы. З дзеткамі пагутарылі аб розных небяспечных сітуацыях і разам знайшлі выхад іх кожнай, паўтарылі нумары службы выратавання і правілы выкліку ратавальнікаў. Акрамя таго прадстаўнікі МНС правялі з хлопцамі рухомыя гульні, замацаваўшы тым самым дзеянні на выпадак узнікнення пажару. Але ўсё ж самым займальным для хлапчукоў і дзяўчынак стаў прагляд мультсерыялаў «Спецатрад 112» і «Чароўная кніга».
Завяршэннем сустрэч стала ўручэнне дзеткам яркіх буклетаў «Бяспечнае дзяцінства», а ў адрас ратавальнікаў гучны «дзякуй» за праведзеныя мерапрыемствы.
Будь готов
Другие новости
