- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рагачоў. Захаваць ураджай
Работнікі Рагачоўскага падраздзялення МНС працягваюць праводзіць пажарна-прафілактычныя мерапрыемствы на аб'ектах сельскай гаспадаркі для кантролю за забеспячэннем пажарнай бяспекі ў перыяд уборачнай кампаніі.
Асаблівая ўвага ратавальнікаў звернута на наяўнасць і спраўнасць першасных сродкаў пажаратушэння, захаванне тэхналагічнага рэгламенту, стан цеплагенерыруючых установак і агрэгатаў, навучанне работнікаў па праграмах пажарна-тэхнічнага мінімуму.
– Наша галоўная задача - папярэдзіць пажары і забяспечыць бяспечныя ўмовы працы на аб'ектах нарыхтоўкі, перапрацоўкі і захоўвання збожжа, – растлумачыў начальнік Рагачоўскага падраздзялення МНС Андрэй Анушкевіч. – Мы спрабуем цалкам выключыць надзвычайныя сітуацыі падчас уборачнай кампаніі і падрыхтаваць сельгас работнікаў да магчымых узгаранняў, каб яны маглі справіцца з агнём яшчэ ў пачатковай стадыі.
Размаўляючы з работнікамі сельскай гаспадаркі, ратавальнікі акцэнтуюць увагу на тое, што сучасная збожжаўборачная тэхніка вельмі дарагая і што яе захаванасць з'яўляецца адной з прыярытэтных задач і прамым абавязкам саміх работнікаў.
– Неабходна пастаяннага кантраляваць стан збожжаўборачнай тэхнікі, яе своечасова чысціць, не дапускаць курэння па-за спецыяльна адведзеных для гэтага месцах, – як мантру паўтараюць кожнаму механізатару работнікі МНС.