- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Бяспека - на першым месцы!
Штодня ў нашай краіне адбываюцца розныя надзвычайныя сітуацыі. Разнастайнасць іх настолькі вялікая, што ад траплення ў іх ніхто не застрахаваны. Аднак усё ж папярэдзіць іх узнікненне мае права кожны чалавек. Менавіта таму гомельскія ратавальнікі актыўна праводзяць розныя прафілактычныя мерапрыемствы, навучаючы грамадзян і растлумачваючы ім правілы бяспекі жыццядзейнасці.
Адной з распаўсюджаных прычын узнікнення пажараў з'яўляецца - пажар на аўтатранспарце. На сённяшні дзень на тэрыторыі горада Гомеля зарэгістравана 8 пажараў на аўтатранспарце, за аналагічны перыяд 2021 года колькасць пажараў не змянілася - таксама 8 пажараў. I прычынай загарання аўто часта становіцца не толькі няспраўнасць самага транспартнага сродку, але і парушэнне грамадзянамі супрацьпажарных патрабаванняў пры правядзенні агнявых работ у гаражы.
Таму гомельскія ратавальнікі ў чарговы раз выйшлі ў рэйд па гаражных кааператывах у рамках праекта «Бяспечны аўтатранспарт», каб данесці важную інфармацыю па правілах пажарнай бяспекі, як на аўтатранспарце, так і ў самым гаражы. Так, пачаткам рэйду стала абнаўленне стэндаў актуальнай інфармацыяй прафілактычнага характару. Потым праца была працягнута непасрэдна з грамадзянамі, якія знаходзяцца ў гаражным кааператыве.Падчас зносін, уладальнікам аўто было расказана аб тым, якія неабходна прымяняць меры, калі ідзе дым з-пад капота, што рабіць, калі аўтамабіль загарэўся ў руху, а таксама ратавальнікі зрабілі акцэнт на своечасовае правядзенне тэхнічнага абслугоўвання аўтамабіля і ажыццяўленне рамонту ў спецыялістаў.
У час размовы ў грамадзян таксама была праверана наяўнасць і спраўнасць вогнетушыцеляў і веданне нумароў службы выратавання. Акрамя гэтага ўдзельнікам сустрэчы было расказана аб мабільным дадатку «МНС Беларусі Дапамога побач», аб яго карысці і правілах устаноўкі.
- Дзякуй за карысную інфармацыю. Згодны, што неабходна заўсёды ўсё рабіць па правілах, тады і не будзе надзвычайных сітуацый, - падзяліліся ўражаннем пасля праведзенай сустрэчы гамяльчане.
У дадатак да сказанага грамадзянам былі ўручаны таблічкі «Што рабіць, калі загарэўся аўтамабіль» і буклеты з карыснымі парадамі ад МНС.