МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
У Гомельскім раёне працягваецца акцыя «Апавяшчальнік у кожны дом»
«Устанавіце аўтаномны пажарны апавяшчальнік» - пораз можна пачуць з экранаў тэлевізараў, па радыё, ды і проста ад работнікаў МНС.
Але, на жаль, многія людзі пакуль не вельмі выразна разумеюць важнасць дадзенага прыбора і тое, што менавіта ён можа своечасова апавясціць аб небяспецы і даць магчымасць выратавання людзей і маёмасці ад пажару. Тым не менш гэты невялікі па памерах прыбор пастаянна даказвае сваю эфектыўнасць.
У рамках акцыі "Апавяшчальнік у кожны дом" ратавальнікі Гомельскага раённага аддзела па НС на пастаяннай аснове праводзяць сярод насельніцтва раёна шырокамаштабную тлумачальную працу і нагадваюць жыхарам пра важнасць устаноўкі ў сваім домаўладанні аўтаномнага пажарнага апавяшчальніка. На гэтым тыдні работнікі МНС асаблівую ўвагу надалі шматдзетным сем'ям, а таксама сем'ям, дзе дзеці знаходзяцца ў сацыяльна небяспечным становішчы.
– Добры дзень, Марыя Іванаўна, а ў Вас устаноўлены аўтаномныя пажарныя апавяшчальнікі? - удакладніла ў шматдзетнай мамы прапагандыст.
– Так, у кожным жылым пакоі, прайдзіце паглядзіце, – адказала гаспадыня кватэры.
- Мне неабходна праверыць іх працаздольнасць, - працягнула інспектар МНС і прайшла ў пакоі.
У гэтай кватэры ўсе апавяшчальнікі апынуліся ў спраўным стане. А вось наведваючы ў іншую шматдзетную сям'ю прапагандыст Анжэла Сеч дала рэкамендацыі ўласніку кватэры.
- Вам неабходна замяніць батарэйку тыпу "Крона" ў пажарным апавяшчальніку, які ўсталяваны ў дзіцячым пакоі. На будучыню, ведайце, што прыбор сам папярэджвае аб неабходнасці яе замены, выдаючы перыядычна гукавы сігнал. А вось перарывісты сігнал святлодыёда чырвонага колеру на корпусе кажа аб яго спраўнасці і дзяжурным рэжыме працы, – патлумачыла Анжэла Яўгенаўна.
Праводзячы прафілактычныя гутаркі з жыхарамі, у чыіх селішчах адсутнічаюць аўтаномныя пажарныя апавяшчальнікі, работнік МНС адказала на пытанні, якія ўзнікаюць: "колькі іх наогул павінна быць? Як правільна іх ўсталёўваць, калі ў кватэры нацяжныя столі? Дзе іх купіць? Колькі яны цяпер стаяць?»
Будь готов
Другие новости
