- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Прафілактычны рэйд «Уступі дарогу спецтранспарту»
Адным з галоўных складальнікаў бяспекі дарожнага руху з'яўляецца ўважлівасць вадзіцеляў і пешаходаў, а таксама выкананне імі правілаў дарожнага руху. Таму перад пачаткам прафілактычнага рэйду «Уступі дарогу спецтранспарту» супрацоўнікам Дзяржаўтаінспекцыі была праведзена тлумачальная гутарка па папярэджанні дарожна-транспартных здарэнняў і ўмацавання транспартнай дысцыпліны сярод работнікаў пажарнай аварыйна-выратавальнай часці №5 горада Гомеля.
Затым прафілактычны рэйд «Уступі дарогу спецтранспарту» па выкананні правілаў дарожнага руху вадзіцелямі, а менавіта ў прадастаўленні бесперашкоднага праезду спецтэхніцы быў праведзены на маршруце «Пад'езд да горада Гомель ад аўтадарогі М-8».
Тры экіпажы ДАІ, аўтацыстэрна пажарнай аварыйна-выратавальнай часці №5 горада Гомеля і машына хуткай медыцынскай дапамогі выехалі з уключанымі пробліскавымі маячкамі на дарогу, каб праверыць на ўважлівасць і выкананне правілаў дарожнага руху не толькі вадзіцеляў, якія кіруюць аўтатранспартам, але і грамадзян, якія ўдзельнічаюць у дарожным руху.
За час правядзення рэйду супрацоўнікі ДАІ пераканаліся ў тым, што вадзіцелі транспартных сродкаў пры набліжэнні спецтэхнікі з уключанымі пробліскавымі маячкамі своечасова забяспечваюць бесперашкодны праезд, з'язджаючы на абочыну. Аднак усё ж была выяўлена і тая катэгорыя грамадзян, хто праігнараваў правілы дарожнага руху, не саступіўшы дарогу аўтамабілям спецыяльнага прызначэння.У дадзеным выпадку супрацоўнікі ДАІ правялі тлумачальныя гутаркі з кіроўцамі аб выкананні правілаў дарожнага руху, зрабіўшы акцэнт на тым, што, не падаючы праезд аўтамабілям аварыйна-выратавальных службаў, небяспекі падвяргаюцца жыццю і здароўю людзей, якім неабходна экстраная дапамога. Таксама ў адносінах парушальнікаў былі складзены адміністрацыйныя пратаколы. У сваю чаргу, работнік МНС расказаў уладальнікам аўто, што неабходна рабіць, калі адбыўся пажар аўтамабіля, надаўшы пры гэтым асаблівую ўвагу на наяўнасць першаснага сродку пажаратушэння ў транспартным сродку - вогнетушыцеля. Акрамя гэтага грамадзяне былі праінфармаваныя аб мабільным дадатку «МНС Беларусі Дапамога побач» і нават большасць з іх устанавілі «памочніка» на свае гаджэты. У дадатак да ўсяго аўтаўладальнікам былі ўручаны таблічкі «Мой аўтамабіль Вам замінае? Патэлефануйце мне» і буклеты з карыснай інфармацыяй ад МНС. Што да пешаходаў, то тут была станоўчая дынаміка. Нягледзячы на дазвольны зялёны сігнал святлафора, пешаходы не спяшаліся пераходзіць дарогу, а спакойна чакалі праезду спецтэхнікі ДАІ, МНС і хуткай дапамогі. Паважаныя грамадзяне! Будзьце ўважлівыя, дысцыплінаваныя і з павагай стаўцеся да ўсіх без выключэння ўдзельнікаў на дарозе! Беражыце сябе!