- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Калінкавічы. Асноўная задача – папярэджанне надзвычайных сітуацый!
Нагадаць пра правілы бяспекі – ніколі не бывае лішнім. Менавіта бяспека стала галоўнай тэмай сустрэч кіраўніцтва Калінкавіцкага раённага аддзела па надзвычайных сітуацыях з працоўнымі калектывамі арганізацый раёна.
У ходзе выступаў ратавальнікі азнаёмілі прысутных з аператыўнай абстаноўкай з пажарамі, звярнулі ўвагу, што пераважная большасць пажараў і гібелі людзей на іх адбываецца па віне нецвярозых курцоў. Падрабязна былі разгледжаны асноўныя прычыны пажараў, а таксама меры прафілактыкі, асноўныя патрабаванні правілаў пажарнай бяспекі ў жылым фондзе і на працоўным месцы, на практыцы адпрацаваны правілы карыстання вогнетушыцелем.
Прадстаўнікі МНС нагадалі грамадзянам дзеянні ў выпадку ўзнікнення пажару і тэлефоны службы выратавання, растлумачылі прынцып работы аўтаномнага пажарнага апавяшчальніка. Таксама былі разгледжаны пытанні падрыхтоўкі да ацяпляльнага перыяду, папярэджання пажараў па прычыне парушэння правілаў эксплуатацыі пячнога ацяплення і цеплагенерыруючых агрэгатаў.
Не засталася без увагі і тэма дзіцячай бяспекі. Ратавальнікі акцэнтавалі ўвагу на недапушчальнасці пакідання малалетніх дзяцей без нагляду, прыводзілі трагічныя прыклады дзіцячай гібелі на пажарах і іншых надзвычайных сітуацыях.
У завяршэнні выступаў, ратавальнікі расказалі прысутным пра мабільнае прыкладанне «МНС Беларусі: дапамога побач!», а таксама ўручылі грамадзянам тэматычныя памяткі і буклеты.