- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рагачоў. Трэці этап акцыі
У рамках трэцяга этапу рэспубліканскай акцыі «Бяспечны новы год!» Работнікі МНС разам з юнымі выратавальнікамі-пажарнымі правялі прафілактычныя мерапрыемствы ў месцах рэалізацыі піратэхнічных вырабаў і дзіцячай бальніцы.
Каля месцаў продажу піратэхнікі мінакоў і пакупнікоў сустракалі супрацьпажарны Дзед Мароз, Снягурка і роставая лялька «Вогнетушыцель».
- Арганізатары акцыі распавялі насельніцтву, як набыць якасную піратэхніку і меры бяспекі пры яе выкарыстанні, правілы бяспекі ўстаноўкі і ўпрыгажэнні навагодняй елкі, - растлумачыў начальнік Рагачоўскага раённага падраздзялення МНС Васіль Маслюкоў. - Кожны ўдзельнік акцыі атрымаў у якасці падарунка тэматычную памятку.
Працягнулі акцыю ратавальнікі ў дзіцячай бальніцы, дзе часова знаходзяцца маленькія жыхары Рагачова. Выратавальнікі разнастаілі вольны час дзяцей віктарынамі, конкурсамі, карыснымі відэафільмамі і вядома падарункамі.
- Дзякуй вялікі, што прыехалі і развесялілі нас, - падзякавала ў завяршэнні мерапрыемства адна з дзяўчынак, якія знаходзяцца на лячэнні.