МЧС Беларуси
МЧС Беларуси
Учреждение «Гомельское областное управление МЧС Республики Беларусь»
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Узаемадзеянне Беларускай праваслаўнай царквы і МНС: у Рагачове прайшло навучальнае мерапрыемства для духоўных асоб
Не за гарамі вясна, калі Праваслаўная Царква адзначае адны з самых галоўных хрысціянскіх святаў – Светлае Хрыстова Уваскрасенне і Радаўніца – Дзень асаблівага памінання памерлых. Па традыцыі ў гэтыя дні ў храмах праходзяць урачыстыя рэлігійныя мерапрыемствы. Улічваючы тое, што тут збіраецца вялікая колькасць людзей і падчас набажэнстваў выкарыстоўваецца адкрыты агонь, гэтыя мерапрыемствы патрабуюць асабліва асцярожных паводзін і ўважлівасці. У сувязі з гэтым рагачоўскія ратавальнікі правялі навучальны занятак са свяшчэннаслужыцелямі раёна, падчас якога нагадалі асноўныя правілы пажарнай бяспекі падчас набажэнстваў у храмах.
У канферэнц-зале аддзела з духоўнымі асобамі ў фармаце жывога дыялогу была праведзена прафілактычная гутарка аб бяспецы. Асаблівая ўвага надавалася веданню правілаў эвакуацыі і паводзінам у натоўпе, а таксама бяспечнай эксплуатацыі цеплагенерыруючых агрэгатаў і прылад. Служыцелям царквы нагадалі алгарытм дзеянняў пры выкарыстанні першасных сродкаў пажаратушэння.
– Памятайце, што вогнетушыцель – гэта першасны сродак пажаратушэння і выкарыстоўваць яго рэкамендуецца толькі тады, калі памер полымя не перавышае памеру мяча. Калі агонь распаўсюджваецца занадта хутка, то не геройствуйце. Пакіньце памяшканне, шчыльна зачыніўшы дзверы. Арганізуйце зладжаную і хуткую эвакуацыю людзей і неадкладна патэлефануйце ў службу выратавання па нумары 101 або 112. Будзьце ўважлівыя і асцярожныя! Праяўляйце пільнасць, не праходзьце міма парушэнняў, якія могуць прывесці да трагедыі! Няхай вясновыя царкоўныя святы будуць для Вас светлымі і радаснымі! Беражыце сябе і сваіх блізкіх! – заклікалі ратавальнікі свяшчэннаслужыцеляў.
Будь готов
Другие новости
