МЧС Беларуси
МЧС Беларуси
Учреждение «Гомельское областное управление МЧС Республики Беларусь»
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Знаёмімся са службай МНС: прафарыентацыя ў Гомельскай вобласці
З мэтай падбору кандыдатаў на службу, а таксама для фарміравання дзейснага кадравага рэзерву работнікі МНС Гомельскай вобласці праводзяць адзіныя дні камплектавання і прафарыентацыйныя мерапрыемствы.
Светлагорскія ратавальнікі правялі адзіны дзень камплектавання на базе Парыцкай сярэдняй школы імя А.М.Пінчука. Старшакласнікам і будучым выпускнікам школы прадставілі насычаную тэматычную праграму, прысвечаную прафесіі пажарны-ратавальнік. Намеснік начальніка раённага аддзела Сяргей Хузееў расказаў навучэнцам правілы паступлення ва Універсітэт грамадзянскай абароны МНС Рэспублікі Беларусь. Падрабязна растлумачыў, якія веды і навыкі неабходны для паспяховага навучання, а таксама якія фізічныя і псіхалагічныя якасці важны для будучых ратавальнікаў. Старшакласнікі даведаліся пра розныя напрамкі падрыхтоўкі, даступныя ў навучальных установах, і пра тое, наколькі важная праца ратавальнікаў для грамадства:
— Калі вы гатовы прымаць выклік і дапамагаць людзям у любы час, значыць, прафесія ратавальніка — гэта менавіта тое, што вам трэба. Ратавальнікі-пажарныя працуюць па графіку суткі праз двое, а таксама атрымліваюць штогадовы аплатны водпуск. Выхад на пенсію магчымы ўжо ў 48 гадоў, акрамя таго, прадугледжана прадастаўленне арэнднага жылля, — адзначыў Сяргей Хузееў.
У канцы тэарытычнай часткі былі прадэманстраваны відэаролікі прафесійна-арыентацыйнай накіраванасці, а кожны ўдзельнік атрымаў інфармацыйна-наглядную ўлётку з прыёмам на службу і паступленнем ва Універсітэт грамадзянскай абароны МНС Рэспублікі Беларусь.
Самай запамінальнай часткай мерапрыемства сталі практычныя заняткі на адкрытым паветры. Навучэнцы змаглі не толькі назіраць за работай пажарных, але і самі паспрабаваць сябе ў ролі ратавальнікаў, адыграўшы ключавую ролю ў тушэнні ўмоўнага пажару.
Работнікі Калінкавіцкага раённага аддзела па надзвычайных сітуацыях таксама праводзяць сустрэчы з навучэнцамі старэйшых класаў, асноўнай мэтай якіх з'яўляецца папулярызацыя прафесіі выратавальніка і тлумачэнне асаблівасцяў паступлення ў навучальныя ўстановы МНС. У даступнай форме ратавальнікі расказваюць навучэнцам аб асаблівасцях уступнай кампаніі ў Універсітэт грамадзянскай абароны МНС Беларусі, аб умовах праходжання службы ў органах і падраздзяленнях па надзвычайных сітуацыях Рэспублікі Беларусь. Атрыманне якасных ведаў, практычнае навучанне прафесіі, самавыхаванне і дысцыпліна, гарантаванае працаўладкаванне, атрыманне спецыяльнага звання, забеспячэнне жыллём і шмат іншых пераваг – вось што адрознівае гэтую навучальную ўстанову ад іншых.
Хлопцы і дзяўчаты актыўна задавалі пытанні, ўдакладнялі дэталі. Найбольш актуальнымі сталі пытанні аб здачы фізічнай падрыхтоўкі і праходжанні ваенна-ўрачэбнай камісіі. У цэлым сустрэчы з навучэнцамі з'явіліся вельмі актуальнымі і неабходнымі, бо многія з іх яшчэ не вызначыліся з будучай прафесіяй і некаторым з іх, магчыма, работнікі МНС дапамаглі зрабіць свой выбар.
На базе пажарнай часткі №1 горада Рагачова адбыўся цікавы прафарыентацыйны занятак для навучэнцаў мясцовага каледжа. Работнікі Міністэрства па надзвычайных сітуацыях запрасілі моладзь пазнаёміцца з асаблівасцямі службы, бытам і тэхнікай, якая выкарыстоўваецца ў ратаванні людзей.
Навучэнцы з захапленнем ступалі на тэрыторыю пажарнай часткі. Іх сустракалі супрацоўнікі МНС у форме, якія падзяліліся сваімі ўражаннямі ад працы.
Першым этапам занятка стала экскурсія па тэрыторыі часткі. Ратавальнікі паказалі моладзі пажарныя аўтамабілі, спецыяльнае абсталяванне і інструменты, якія выкарыстоўваюцца для ліквідацыі надзвычайных сітуацый.
– Гэта наш галоўны пажарны аўтамабіль. Ён абсталяваны ўсім неабходным для таго, каб хутка дабрацца да месца здарэння і аказаць дапамогу, — растлумачыў ратавальнік, паказваючы на вялікую машыну.
Пасля экскурсіі навучэнцы перайшлі ў актовы зал, дзе адбылася лекцыя аб правілах паступлення ў навучальныя ўстановы МЧС. Спецыялісты падзяліліся інфармацыяй пра ўмовы паступлення, неабходныя дакументы і этапы адбору.
– Калі вы марыце стаць ратавальнікам, вам трэба будзе прайсці тэставанне на фізічную падрыхтоўку і псіхалагічную устойлівасць, — паведаміў намеснік начальнік аддзела Леанід Антонаў.
Занятак завяршыўся агульным фота на памяць і абяцаннем вярнуцца ў пажарную частку зноў.
Такія прафарыентацыйныя заняткі не толькі дапамагаюць моладзі выбраць свой шлях у жыцці, але і ствараюць сувязь паміж грамадствам і службамі надзвычайных сітуацый. Работнікі МНС упэўнены, што кожны з навучэнцаў зможа знайсці сваё месца ў жыцці і, магчыма, некаторыя з іх стануць сапраўднымі ратавальнікамі.
Будь готов
Другие новости
