- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Жлобін.За жыццё без шкодных звычак!
У рамках актывізацыі работы па прафілактыцы бяспекі работнікі раённага падраздзялення МНС вялікую ўвагу надае навучанню і інфармаванню насельніцтва. Чым больш людзей памятаюць і задумваюцца аб небяспецы, - тым менш ахвяр на пажарах.
Адна з формаў працы ў гэтым кірунку-правядзенне прафілактычных мерапрыемстваў у пунктах прыёму другаснай сыравіны з грамадзянамі «групы рызыкі».
Прапагандысты МНС пры правядзенні гутарак у першую чаргу агучылі сумную статыстыку па пажарах і гібелі людзей на іх, а потым перайшлі да пытання захавання правілаў пажарнай бяспекі ў дамах і кватэрах. Работнікі МНС звярнулі ўвагу грамадзян на небяспеку курэння ў ложку.
Работнікі МНС парэкамендавалі для бяспекі ўсталяваць у сваіх дамах і кватэрах аўтаномныя пажарныя апавяшчальнікі і падтрымліваць іх у спраўным стане. Таксама прысутныя даведаліся аб мабільным дадатку «Дапамога побач», аб карысных раздзелах прыкладання і як яго ўсталяваць, каб атрымліваць практычныя парады па бяспецы.
-Лепшы сродак засцерагчы сябе ад наступстваў тытуню -зусім кінуць паліць. Не забывайце, што «п'яныя» недакуркі могуць стаць прычынай скалечаных жыццяў, паламаных лёсаў і спаленага дома, - завяршаючы гутарку, звярнулася да грамадзян прапагандыст МНС.
Пра тое, што неабходна выконваць правілы бяспекі пры курэнні, нагадваюць не толькі работнікі МНС, але і наглядна-выяўленчая прадукцыя, якую ратавальнікі размясцілі на паштовых скрынях у сельскіх населеных пунктах, у горадзе і ў магазінах.