- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Петрыкаў. Не дапусціць бяды
Вельмі часта асноўнай прычынай па якой адбываюцца пажары з'яўляецца чалавечая бестурботнасць. А вось асноўнае месца, дзе яны здараюцца - гэта домаўладання грамадзян.
З мэтай чарговы раз нагадаць насельніцтву аб няўхільным выкананні правілаў пажарнай бяспекі, а таксама ўказаць на выяўленыя парушэнні падчас абследавання, ратавальнікі Петрыкаўшчыны ў складзе назіральных камісій актыўна працягваюць праводзіць пажарна - прафілактычную працу ў жылым сектары.
Адмысловую ўвагу спецыялісты вядома ж надаюць катэгараваным грамадзянам.
У кожным домаўладання работнік МНС праверыў наяўнасць і спраўнасць аўтаномных пажарных апавяшчальнікаў.
- Гэты прыбор незаменны памошнік, які апавясціць вас аб першых прыкметах пажару нават у стане глыбокага сну, - тлумачыў гаспадару інспектар.
Звяртаюць сваю ўвагу спецыялісты "112" і на стан печаў, электраправодкі, прыдамавой тэрыторыі, а таксама на ўмовы пражывання грамадзян.
- Абавязкова прывядзіце ацяпляльную печ у парадак: заладзьце расколіны і сёння ж прыбіце прытопачны ліст перад дзверцамі. Памятайце, што нельга даручаць дзецям сачыць за топкай печы і распальваць яе лёгкаўзгаральнымі вадкасцямі, - зрабіў заўвагі ў адным з домаўладанняў работнік МНС.
Гаспадарам, якія кураць у доме нагадваюць аб тым, што ў ложку курыць строга забаронена. Непатушаная цыгарэта або нядбайна кінуты недакурак часцяком прыводзіць да непапраўных наступстваў і гібелі людзей на пажарах.
Цешыць тое, што большасць грамадзян з разуменнем ставяцца да ўласнай бяспекі і своечасова выпраўляюць выяўленыя недахопы.