- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Галоўны атрыбут навагодніх свят - у бяспецы!
Галоўным атрыбутам навагодніх свят у кожным домаўладанні з'яўляецца зялёная прыгажуня - ялінка! Бо без яе немагчыма ўявіць самага чарадзейнага свята - Новага года! Усе без выключэння імкнуцца надаць ёй максімум увагі, прыбіраюць яе цацкамі, мішурой, гірляндамі, водзяць вакол карагоды і кажуць запаветныя словы: Раз, два, тры, ялінка - гары! Таксама асаблівы клопат зялёнай прыгажуні надалі і ратавальнікі Гомельскага гарадскога аддзела па НС.
Так, у рамках акцыі "Бяспечны Новы год!" прадстаўнікі МНС наведалі дзейны кірмаш "Ёлачны базар", размешчаны на гандлёвым рынку "Цэнтральны", дзе правялі шэраг прафілактычных мерапрыемстваў.
Спачатку ўвагу пакупнікоў прыцягнуў Бяспечны Дзед Мароз, які правёў з грамадзянамі гутаркі па правілах бяспечных паводзінаў падчас навагодніх свят, выкарыстання хлапушак і бенгальскіх агнёў і бяспекі на лёдзе. Акрамя гэтага, Дзядуля Мароз расказаў аб правілах устаноўкі елкі ў сваім жыллі, зрабіўшы акцэнт на тым, чым забараняецца ўпрыгожваць зялёную прыгажуню і што рабіць, калі ж яна загарэлася. У дадатак да сваіх слоў, Бяспечны Дзед Мароз уручыў усім удзельнікам мерапрыемства памятныя буклеты з прафілактычнай інфармацыяй па бяспецы ў зімовы перыяд.
У той жа час прапагандысты гарадскога аддзела па НС упрыгожылі зялёныя ялінкі першай бяспечнай цацкай. Цяпер кожны, хто набудзе, зялёную прыгажуню, атрымае ў падарунак карысную інфармацыю аб мабільным дадатку «МНС: дапамога побач!», які заўсёды раскажа і дапаможа, як дзейнічаць пры любой надзвычайнай сітуацыі.
МНС нагадвае! забараняецца:
- выкарыстоўваць для ўпрыгожвання ёлкі вату, паперу, свечкі і бенгальскія агні;
- дазваляць дзецям самастойна ўключаць электрагірлянды;
- пакідаць уключанай электрагірлянды на працяглы час;
- тушыць падпаленую штучную ёлку вадой.
У выпадку пажару тэлефануйце па тэлефоне 101 ці 112.