- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Узнагароджанне пераможцаў конкурсаў «Бяспечная попельніца» і «Сацыяльны відэаролік»
У канферэнц-зале Гомельскага гарадскога аддзела па надзвычайных сітуацыях адбылося ўрачыстае ўзнагароджанне пераможцаў конкурсаў «Бяспечная попельніца» і «Сацыяльны відэаролік».
Так, з рук першага намесніка начальніка гарадскога аддзела па НС Андрэя Ткачэнкі былі ўручаны дыпломы і каштоўныя падарункі навучэнцу ДУА «Сярэдняя школа №9 горада Гомеля» і студэнту УА «Гомельскі гарадскі аўтамеханічны каледж» за першыя месцы ў конкурсе «Бяспечная попельніца», а таксама навучэнцам ДУА «Сярэдняя школа №9 горада Гомеля», якія занялі першае месца ў конкурсе «Сацыяльны відэаролік».
Другія месцы ў конкурсах узнагародзіла прадстаўнік Беларускага добраахвотнага пажарнага таварыства Вера Уздоўская: «У гэтым годзе на конкурс «Бяспечная попельніца» было прадстаўлена вельмі шмат крэатыўных, выдатных прац. Нам, як журы, было няпроста размеркаваць месцы, але, тым не менш, найлепшыя працы знайшлі сваіх пераможцаў», - патлумачыла Вера Міхайлаўна.
А прызы і дыпломы за выніковыя трэція месцы ўручыў першы сакратар Цэнтральнай РА ГА «Беларускі рэспубліканскі саюз моладзі» Аляксей Зайцаў.
- Ужо на працягу некалькіх гадоў мы актыўна супрацоўнічаем з гарадскім аддзелам па НС. І сёння, знаходзячыся тут, мне прыемна ўручыць заслужаныя ўзнагароды моладзі нашага горада. Бо кожны з Вас сваімі працамі ўнёс часцінку бяспекі ў наш свет, - падсумаваў мерапрыемства Аляксей Андрэевіч.
Сумеснае фота стала завяршэннем урачыстага ўзнагароджання пераможцаў.