- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. Адназначна будзе вынік
Абследаванне домаўладанняў назіральнымі камісіямі -- гэта адзін з эфектыўных метадаў прафілактыкі пажараў у жылым сектары, бо бяду лягчэй папярэдзіць, чым выправіць наступствы. Прафілактычныя гутаркі па бяспецы, а таксама рэкамендацыі па ліквідацыі недахопаў, выяўленых у ходзе абследавання домаўладанняў, адназначна прыводзяць да памяншэння пажараў, тым самым захоўваючы дабрабыт грамадзян.
Галоўнай задачай назіральных камісій з'яўляецца бяспека жыццядзейнасці грамадзян, асабліва тых, якія трапілі ў цяжкую жыццёвую сітуацыю. Згуртаванасць у працы суб'ектаў прафілактыкі на сённяшні дзень дазваляе вырашыць любое пытанне, звязанае з бяспекай пражывання. Пры абследаванні домаўладанняў камісіямі вывучаюцца матэрыяльна-бытавыя ўмовы вяскоўцаў, спраўнасць ацяпляльных печаў, электраабсталявання і электрычнай праводкі ў дамах, праводзяцца інструктажы па правілах эксплуатацыі ацяпляльных прыбораў і абсталявання. Асаблівая ўвага надаецца пытанням устаноўкі аўтаномных пажарных апавяшчальнікаў у жылых пакоях. Калі маюцца факты парушэнняў бяспекі жыццядзейнасці, назіральнымі камісіямі адшукваюцца магчымасці аб аказанні дапамогі грамадзянам, якія жывуць у нястачы.
Яшчэ адным эфектыўным спосабам прафілактыкі пажараў у сельскай мясцовасці з'яўляецца правядзенне дваровых сходаў. Грамадзянам чарговы раз нагадваюць аб дзеяннях пры ўзнікненні пажару, парадку выкліку пажарнай аварыйна-выратавальнай службы, а таксама неабходнасці абавязковай устаноўкі АПА, ну і, вядома ж, усім без выключэння ўручаюць памяткі на супрацьпажарную тэматыку.