МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Вынікі конкурсаў «Бяспечная попельніца» і "Сацыяльны відэаролік"
З мэтай прыцягнення ўвагі грамадскасці да праблемы ўзнікнення пажараў з прычыны неасцярожнага абыходжання з агнём пры курэнні, а таксама прапаганды ведаў у галіне бяспекі жыццядзейнасці ў горадзе Гомелі ў пачатку лістапада месяца быў дадзены старт конкурсам «Бяспечная попельніца» і «Сацыяльны відэаролік» у рамках акцыі « Не прапальвай сваё жыццё!».
Студэнтам вышэйшых, сярэдне-спецыяльных навучальных устаноў і навучэнцам 10-11 класаў сярэдніх школ горада Гомеля неабходна было прадаставіць арыгінальныя, дызайнерскія попельніцы з элементамі закліку кінуць курыць, а таксама з размяшчэннем на іх прафілактычнай інфармацыі, накіраванай на папярэджанне пажараў з прычыны неасцярожнага звароту пры курэнні, а таксама арыгінальны відэаролік, які ўзнімае праблему ўзнікнення пажараў з-за курэння.
Так, у канферэнц-зале Гомельскага гарадскога аддзела па НС былі падведзены вынікі двух крэатыўных конкурсаў. Кампетэнтнае журы, у склад якога ўвайшлі: намеснік начальніка гарадскога аддзела па НС Віктар Грудзько, прадстаўнік Беларускага добраахвотнага пажарнага таварыства Вера Уздоўская і галоўны спецыяліст Цэнтральнай РА ГА "Беларускі рэспубліканскі саюз моладзі" Ілья Майсюк ацанілі ў прадастаўленых работах конкурсу "Бяспечная попельніца" бяспеку, знешняе афармленне і знешнюю інфарматыўнасць. Што ж да конкурсу «Сацыяльны відэаролік», то тут акцэнт журы быў зроблены на праніклівасць відэароліка, сюжэтную лінію, крэатыўнасць, сэнсавы складнік і, безумоўна, якасць відэаздымкі і відэамантажу. Усе прадстаўленыя работы былі выкананы ў адпаведнасці з заяўленымі крытэрыямі, таму вызначыць пераможцаў - была справа не з лёгкіх. Аднак усё ж месцы размеркаваліся наступным чынам:
У конкурсе «Бяспечная попельніца»:
- першае месца занялі працы пад назвай «Зрабі разумны выбар!», студэнта УА «Гомельскі гарадскі аўтамеханічны каледж» і праца «Тушы звычку!», навучэнца 10-га класа ДУА «Сярэдняя школа №9 горада Гомеля»;
- другое месца - праца «Курэнне - лесвіца да смерці!», студэнта УА «Гомельскі гарадскі аўтамеханічны каледж»;
- трэцяе месца – праца «Кінь курыць – не давядзецца тэлефанаваць!», студэнта УА «Гомельскі дзяржаўны тэхнічны ўніверсітэт імя П.А.Сухога».
У конкурсе "Сацыяльны відэаролік":
- першае месца заняў відэаролік з назвай «З любоўю - МНС», навучэнцаў ДУА «Сярэдняя школа №9 горада Гомеля»;
- другое месца – відэаролік “Не прапальвай сваё жыццё!”, студэнтаў УА “Гомельскі дзяржаўны педагагічны каледж імя Л.С.Выгоцкага;
- трэцяе месца - відэаролік «Шкодная звычка - курэнне. Скажы цыгарэтам НЕ!».
Работы ацэнены, вынікі падведзены, а наперадзе пераможцаў чакае ўзнагароджанне!
Будь готов
Другие новости
