- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рагачоў. Пераканаць жыць у бяспецы
Ратавальнікі прынялі ўдзел у прафілактычным мерапрыемстве, накіраваным на фарміраванне законапаслухмяных паводзін і ладу жыцця, прышчаплення духоўных каштоўнасцей асобам, якiя ажыццяўляюць правапарушэнні ў сферы сямейна-бытавых адносін, стаяць на прафілактычным уліку і злоўжываюць спіртнымі напоямі.
Сустрэча прайшла ў актавай зале Рагачоўскага раённага аддзела ўнутраных спраў. Перад аўдыторыяй выступіў прадстаўнік духавенства, памочнік пракурора і першы намеснік начальніка Рагачоўскага раённага аддзела па надзвычайных сітуацыях Яўген Шрамаў.
- Цяпер перыяд летніх канікул і сезон падрыхтоўкі дзяцей да навучальнага года, таму асноўны ўпор у прафілактычнай рабоце мы робім на дзяцей і іх бацькоў, - растлумачыў намеснік начальніка Рагачоўскага раённага падраздзялення МНС Яуген Шрамаў. - Але, пра асоб, якія злоўжываюць спіртнымі напоямі, мы ніколі не забываем: гутарым з імі, пераконваем быць пільнымі і берагчы свае жыцце.
Яўген Шрамаў прывёў грамадзянам прыклады трагічных пажараў гэтага года, распавёў пра распаўсюджаныя прычыны пажараў і як іх пазбегнуць. Для нагляднасці прысутным прадэманстравалі прафілактычны відэафільм, раздалі тэматычныя памяткі.
Прапагандыст Рагачоўскага раёна звярнуў увагу на тое, што некаторыя людзі, якія знаходзяцца ў зале, пражываюць з маленькімі дзецьмі, і што адказнасць за захаванне правілаў бяспекі ў жылым доме ўзрастае шматкроць.
- Беражыце дзяцей! - заклікаў Рагачоўцаў старшы інспектар прапаганды МНС раёна.