- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Добруш. Бяспечныя гульні
Як вядома, дзеці вельмі любяць гульні і не здагадваюцца пра тое, што менавіта з дапамогай гульняў яны пазнаюць свет. Гульня - гэта інстынктыўны спосаб атрымання і развіцця навыкаў людзьмі, менавіта такое вызначэнне дае Вікіпедыя. Добрушскія прапагандысты, гуляючы з дзецьмі, імкнуцца прышчапіць навыкі бяспечных паводзін у побыце і развіць веды ў галіне пажарнай бяспекі.
Напрыклад, праз «Джэнга бяспекі», кожная дэталь якой змяшчае выказванні для непасед, дзеці вывучаюць правілы бяспекі жыццядзейнасці. Так, з дапамогай няхітрых надпісаў хлопцы даведаліся, што ў ратавальнікаў два прафесійныя святы. А вось надпіс «Юны выратавальнiк» хлапчукам і дзяўчынкам быў добра знаёмы, бо з гэтым пазнавальна-гульнявым часопісам аб бяспецы жыццядзейнасці дзеці ўдзельнічаюць у розных конкурсах і віктарынах. Вось так, чытаючы выразы разам з ратавальнікамі, хлапчукі і дзяўчынкі паўтараюць правілы бяспекі.
Дзеці вельмі любяць рухомыя гульні, розныя эстафеты і спаборніцтвы. У эстафеце «Бяспека» малыя адчуваюць сябе сапраўднымі выратавальнікамі, бо баеўка і каска з'яўляюцца неад'емнымі атрыбутамі пажарных і выклікаюць захапленне ў дзяцей.
Вось так весела і непрыкметна работнікі Добрушскага аддзела па надзвычайных сітуацыях прышчапляюць хлапчукам і дзяўчынкам раёна бяспечныя паводзіны падчас вакацый, вывучаюць дзеянні падчас пажару, паўтараюць з хлопцамі тэлефоны службы выратавання і што рабіць калі грымнула навальніца.
Дзеці - гэта наша будучыня! І наша задача прышчапіць дзецям навыкі бяспечных паводзін і ведаў бяспекі жыццядзейнасці, для таго каб у дзяцей была бяспечная і шчаслівая будучыня!