- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Петрыкаў. Не трэба забываць пра бяспеку
Работнікі Петрыкаўскага раённага аддзела па надзвычайных сітуацыях працягваюць праводзіць інструктыўна-тлумачальную работу ў жылым сектары.
Так, пры абследаванні домаўладанняў асаблівая ўвага па-ранейшаму надаецца стану пячнога ацяплення. Ратавальнікі тлумачаць гаспадарам як бяспечна эксплуатаваць ацяпляльныя прыборы і дзе неабходна ўсталёўваць аўтаномныя пажарныя апавяшчальнікі.
- Нягледзячы на тое, што ацяпляльны сезон падыходзіць к канцу, не трэба забываць аб неабходнасці прывядзення печы ў парадак. Пабяліце яе корпус і комін, заладзьце расколіны і прачысціце дымаход, - нагадаў інспектар.
Не засталася без увагі, і тэма пакідання непаўналетніх дзяцей без нагляду.
- За бягучы год у Рэспубліцы Беларусь на пажарах загінула трое дзяцей. Ні ў якім разе не пакідайце дзіцяці аднаго. Прыбярыце ў недаступныя ад іх месца запалкі і запальнічкі. Навучыце дзяцей правільна паводзіць сябе ў надзвычайнай сітуацыі, а ў выпадку пажару тэлефанаваць па нумары «101» або «112», - растлумачыў Віталь Баравік.
Прыемна здзівіла, што ў аднаго з наведвальных грамадзян дома знаходзіўся вогнетушыцель, акрамя таго, гаспадар растлумачыў, як неабходна ім карыстацца ў выпадку пажару.
У чарговы раз прадстаўнікі службы выратавання паведамілі грамадзянам аб недапушчальнасці выпальвання сухой расліннасці, а таксама аб захаванні правіл пажарнай бяспекі пры развядзенні вогнішчаў.
- Кожны дзень па гэтай прычыне адбываюцца пажары, якія наносяць значны ўрон, а часам прыводзяць і да смяротнага зыходу, - расказаў інспектар інспекцыі нагляду і прафілактыкі.
Па выніках наведвання домаўладанняў грамадзянам ўручаліся памяткі з правіламі пажарнай бяспекі.