- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Калінкавічы. Галоўная задача – папярэдзіць бяду!
Пытанні бяспекі патрабуюць пастаяннага кантролю і сістэматычнага падыходу. Работнікі Калінкавіцкага раённага аддзела па надзвычайных сітуацыях актывізавалі прафілактычную работу з насельніцтвам, з выкарыстаннем розных формаў і метадаў праводзяць з грамадзянамі інфармацыйна-тлумачальную работу.
Упор зроблены на работу назіральных камісій, якія ўжо даказалі сваю эфектыўнасць ў папярэджанні пажараў. Асаблівая ўвага надаецца шматдзетным сем'ям, грамадзянам, якія вядуць асацыяльны лад жыцця, адзінокім і адзінока пражываючым грамадзянам, інвалідам.
Не застаюцца без увагі і працоўныя калектывы. Работнікі МНС праводзяць прафілактычныя гутаркі, расказваюць грамадзянам аб неабходнасці выканання правілаў пажарнай бяспекі. Прыводзяць у прыклад даныя па аператыўным становішчы ў вобласці і раёне, распавядаюць аб надзвычайных сітуацыях і трагедыях, якія адбыліся ў выніку неасцярожнага абыходжання з агнём або нядбайнага стаўлення да патрабаванняў правілаў пажарнай бяспекі. Каб засцерагчы сябе і сваіх блізкіх ратавальнікі рэкамендуюць набыць і ўстанавіць у домаўладаннях аўтаномныя пажарныя апавяшчальнікі.
Прафілактычныя мерапрыемствы праводзяцца і ў месцах рэалізацыі алкагольнай прадукцыі. Акрамя правядзення гутарак з пакупнікамі, у рамках інфармацыйна-прапагандысцкай кампаніі «Не чакай вавёрачку – тушы акурак!» ратавальнікі размяшчаюць вавёрачкі-воблеры, некхенгеры на бутэльках з алкагольнай прадукцыяй, а таксама абнаўляюць інфармацыйныя стэнды. А наглядна-выяўленчая прадукцыя МНС і вавёрачкі-хенгеры размяшчаюцца ў паштовых скрынях, яшчэ раз папярэджваючы жыхароў раёна аб адказнасці за непатушаны акурак.