- На тэрыторыі сельсавета пражываюць дваццаць восем сем’яў, дзе выхоўваюцца непаўналетнія: 4 – прыёмныя сям’і, 2 – апякунскія, 9 – шматдзетныя і іншыя сем’і. Ім мы надаем асаблівую ўвагу, - паведаміла кіраўнік справамі сельвыканкама Наталля Маркавец.

Пасля наведвання домаўладанняў спецыялісты запэўніліся, што ў большасці сем’яў пражыванне дзяцей не выклікае небяспекі. Але парой сутракаюцца і такія недарэчнасці, якія аднойчы могуць прывесці да трагедыі.

У гаспадыні ў хаце заўважылі і вывернутую са сцяны разетку, і скручаны з некалькіх правадоў падаўжальнік, у які была ўключана і працавала пральная машына, і прадтопачны ліст каля печы малых памераў.

Былі і больш значныя заўвагі: аварыйны стан грубкі ў сям’і, у якой выхоўваюцца трое дзетак. Тут жа жанчына не змагла паказаць спецыялістам наяўнасць аўтаномных пажарных апавяшчальнікаў. Адсутнічалі ахоўныя плафоны, якія павінны закрываць электрычныя лямпачкі як у жылых пакоях, так і на тэрыторыі двара.

У некаторых сем’ях аўтаномныя пажарныя апавяшчальнікі былі ў наяўнасці, але і тут не абыйшлося без заўвагі.

- Вам неабходна памяняць батарэйку ў прыборы, а таксама сачыць, каб ён знаходзіўся ў працоўным стане, - растлумачвала інспектар РАНС Алена Пажыган.

Увогуле, сматравая камісія даволі строга і скрупулёзна падыходзіла да кожнага выяўленага хіба. Інакш не павінна быць, бо пажарная бяспека ў домаўладаннях - гэта бяспека гаспадароў і дзяцей.

У час рэйду аглядавай камісіі інспектар аддзела па надзвычайных сітуацыях уручыла кожнай гаспадыні-маці ці бабулі, а тое і дзецям каляровыя буклеты, дзе прапісаны правілы пажарнай бяспекі. Усім грамадзянам спецыяліст нагадала нумары службы выратавання «101» або «112» і алгарытм дзеянняў у выпадаку узнікнення надзвычайнай сітуацыі.