- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Калінкавічы. Да асенне-зімовага сезона падрыхтаваліся!
У Калінкавіцкім раёне ў рамках падрыхтоўкі да асенне-зімовага перыяду праведзены тактыка-спецыяльныя вучэнні з сіламі Калінкавіцкага раённага звяна Гомельскай абласной падсістэмы дзяржаўнай сістэмы папярэджання і ліквідацыі надзвычайных сітуацый і грамадзянскай абароны.
Асноўнай мэтай праведзеных вучэнняў стала адпрацоўка дзеянняў і праверка гатоўнасці ўсіх служб і арганізацый, якія ўваходзяць у склад раённага звяна, да ліквідацыі розных аварыйных сітуацый.
Па адным з сцэнарыяў вучэнняў, вадзіцель вялікагрузнага аўтамабіля з-за галалёду не справіўся з кіраваннем, вылецеў на абочыну і быў заблакіраваны ў аўтамабілі. Таксама ў выніку аварыі адбыўся абрыў лініі электраперадачы. Для ліквідацыі дадзенай сітуацыі былі задзейнічаны работнікі МНС, дарожнай службы, раёна электрычных сетак, дзяржаўнай аўтамабільнай інспекцыі, а таксама хуткай медыцынскай дапамогі. Работнікі МНС дэблакіровалі пацярпелага і перадалі работнікам хуткай медыцынскай дапамогі, супрацоўнікі дзяржаўнай аўтамабільнай інспекцыі ў гэты час забяспечвалі бяспеку дарожнага руху, работнікі раёна электрычных сетак аднавілі электразабеспячэнне, а прадстаўнікі дарожнай службы забяспечылі буксіроўку аўтамабіля ў бяспечнае месца.
Па другому сцэнарыю адбылося пашкоджанне трубаправода і без пітнога водазабеспячэння засталіся жыхары мікрараёна «Поўнач» горада Калінкавічы. Тут жа, зладжаныя дзеянні паказалі работнікі камунальных служб, якія ў самыя кароткія тэрміны ліквідавалі аварыю і арганізавалі падвоз пітной вады для патрэб насельніцтва.
У ходзе вучэнняў ацэньваліся таксама дзеянні дыспетчарскіх служб па абмене інфармацыяй. Варта адзначыць, што ўсе службы паказалі гатоўнасць да эфектыўнага ўзаемадзеяння ў складаных умовах, характэрных для асенне-зімовага перыяду.