МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Ельск. Прафілактыка для ўсіх
Работнікі Ельскага раённага падраздзялення МНС працягваюць праводзіць прафілактычныя мерапрыемствы, як сярод гарадскіх, так і сярод сельскіх жыхароў.
Для таго, каб кожны сельскі жыхар не забываў аб правілах бяспекі ельскія ратавальнікі сумесна з раённым спажывецкім таварыствам абсталявалі аўтамагазіны прафілактычнымі ўлёткамі. Гэтыя ўлёткі раскажуць жыхарам вёсак аб неабходнасці ўстаноўкі аўтаномнага пажарнага апавяшчальніка ў домаўладанні, аб нумары выкліку службы выратавання, бяспекі на вадзе, а таксама небяспекі курэння ў ложку. Цяпер, набываючы неабходныя тавары, сельскія жыхары звернуць увагу на інфармацыю пра бяспеку, якая напэўна застанецца ў памяці.
Таксама ў рамках узаемадзеяння з тэрытарыяльным цэнтрам сацыяльнага абслугоўвання насельніцтва сацыяльныя работнікі пры надомным наведванні састарэлых грамадзян пакідаюць разам з прадуктамі і рэчамі першай неабходнасці важную інфармацыю па забеспячэнні бяспекі. А работнікам Ельскага раёна газазабеспячэння ратавальнікі перадалі буклеты для распаўсюджвання сярод жыхароў раёна падчас аказання паслуг насельніцтву.
Штотыдзень прафілактычная праца ратавальнікамі праводзіцца і на вакзалах горада Ельска. Ратавальнікі распавядаюць наведвальнікам і пасажырам аўтавакзала і чыгуначнай станцыі асноўныя правілы пажарнай бяспекі, нагадваюць аб дзеяннях у выпадку ўзнікнення пажару, аб недапушчальнасці пакідання дзяцей без нагляду, а таксама ўручаюць грамадзянам тэматычную наглядна-выяўленчую прадукцыю, якая нагадвае аб неабходнасці выканання мер бяспечных паводзін.
Будь готов
Другие новости
