- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Калінкавічы. Папярэдзіць вясновыя палы
З прыходам цяпла, надышлі «гарачыя часы» і для ратавальнікаў, бо менавіта на гэты час прыпадаюць палы сухой расліннасці. І нельга сказаць, што людзі не ведаюць элементарных правілаў пажарнай бяспекі, не разумеюць, да чаго можа прывесці кінуты недакурак або выпальванне сухой расліннасці – папярэджанні пра забарону выпальвання травы, заклікі быць асцярожнымі з агнём і неабходнасці выканання правілаў пажарнай бяспекі паступаюць з тэлеканалаў, інтэрнэт рэсурсаў, старонак газет і інфармацыйных стэндаў. Але гэтага мабыць недастаткова.
Каб паўплываць на аператыўнае становішча, работнікі Калінкавіцкага раённага аддзела па надзвычайных сітуацыях рэгулярна праводзяць рэйды па прафілактыцы выпальвання сухой расліннасці і навядзення парадку на зямлі ў цэлым. Мэта дадзеных мерапрыемстваў не столькі пакараць парушальнікаў, колькі правядзенне інфармацыйна-растлумачальнай работы з насельніцтвам. Работнікі МНС расказваюць жыхарам аб правілах бяспекі пры спальванні смецця, прыводзяць прыклады бестурботнасці людзей, якія прывялі да трагічных наступстваў, нагадваюць аб мерах адміністрацыйнай адказнасці, прадугледжаных за парушэнне правілаў пажарнай бяспекі. У ходзе растлумачальнай гутаркі работнікі МНС таксама нагадаваюць і аб правілах бяспекі ў побыце, паводзін пры ўзнікненні пажару, тэлефоны экстраных служб.
Праводзячы такія рэйдавыя мерапрыемствы, мы спадзяемся дастукацца да грамадзян і, на чужых прыкладах, растлумачыць людзям усю небяспеку наступстваў выпальвання сухой расліннасці і невыканання правілаў пры спальванні смецця і распальвання вогнішча.