- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Светлагорск. Пара вясны
За акном вясна, добрае надвор'е, а гэта значыць, самы час наводзіць парадак на прысядзібных участках, адпачываць на прыродзе.
Для выпрацоўкі кіраўнічых рашэнняў па папярэджанні ўзнікнення пажараў у прыродных экасістэмах і навядзення парадку на зямлі ў Светлагорскім раёне прайшоў брыфінг зацікаўленых службаў і сродкаў масавай інфармацыі па папярэджанні і ліквідацыі пажараў у экасістэмах.
У пасяджэнні прынялі ўдзел прадстаўнікі Светлагорскага раённага аддзела па надзвычайных сітуацыях, упраўлення сельскай гаспадаркі і харчавання, аддзела землеўпарадкавання, аддзела архітэктуры і будаўніцтва райвыканкама, дзяржаўнай лесагаспадарчай установы "Светлагорскі лясгас», раённай інспекцыі прыродных рэсурсаў і аховы навакольнага асяроддзя, раённага цэнтра гігіены і эпідэміялогіі, міжраённай інспекцыі аховы жывёльнага і расліннага свету.
У ходзе пасяджэння круглага стала, прадстаўнікі абмеркавалі план правядзення мерапрыемстваў па папярэджанні і своечасовым выяўленні пажараў у экасістэмах, абмеркавалі Комплекс мер па недапушчэнні узгаранняў ў прыродных экасістэмах на тэрыторыі Светлагорскага раёна.
Па выніках круглага стала прадстаўнікамі службаў прынята рашэнне аб правядзенні больш якаснай нагляднай дзейнасці і дэталёвым разглядзе па кожнаму ўзгаранню.
Далей ратавальнікі сумесна з інспекцыяй прыродных рэсурсаў адправіліся ў рэйд па садаводчым таварыствам. Спецыялісты правялі прафілактычныя гутаркі, раздалі наглядную агітацыю і абнавілі інфармацыйныя стэнды.