- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Мазыр. Сустрэча з людзьмі, якія трапілі ў цяжкую жыццёвую сітуацыю.
Работнікі Мазырскага раённага падраздзялення МНС сумесна з прадстаўніком духавенства і лекарам-псіхатэрапеўтам гутарылі з пацыентамі дыспансера, якія па тых ці іншых прычынах трапілі ў цяжкую жыццёвую сітуацыю.
Спачатку запрошаныя даведаліся аб становішчы з надзвычайнымі сітуацыямі на тэрыторыі нашай краіны. Асаблівая ўвага была нададзена здарэнням, звязаным з курэннем ў нецвярозым стане. Асобнай тэмай для размовы стаў таксама і аўтаномны пажарны апавяшчальнік, дзякуючы якому толькі летась у Беларусі было выратавана больш за 150 жыццяў.
Своеасаблівы трэнінг правёў лекар-псіхатэрапеўт стацыянарнага аддзялення, які распавёў аб методыцы барацьбы з залежнасцю ад алкаголю. Звяртаючыся да пацыентаў дыспансера, прадстаўнік духавенства параўнаў злоўжыванне спіртным з адным з грахоў, якія вядуць да гібелі і заклікаў накіраваць усе сілы ў першую чаргу на вылячэнне духу. У завяршэнні мерапрыемства ратавальнікі прадэманстравалі прафілактычны відэафільм МНС аб небяспецы курэння, пасля чаго запрошаным уручылі памяткі з заклікам не прапальваць сваё жыццё.