МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Мазыр. Візіт у зону рызыкі.
З пачаткам гэтага года на тэрыторыі Мазыршчыны працягнулі сваю працу назіральныя камісіі па забеспячэнні бяспечных умоў пражывання грамадзян. Як і раней, у складзе прафілактычнага аб'яднання - работнікі МНС, аддзела ўнутраных спраў, адукацыі, газавай службы, медыцыны, энерганагляду, а таксама прадстаўнікі ЖЭУ і органаў мясцовага самакіравання. Менавіта гэтым спецыялістам розных наглядных і іншых зацікаўленых арганізацый належыць значная роля ў папярэджанні надзвычайных сітуацый у жыллёвым фондзе. І вынік у працы ёсць. На працягу апошніх 10-ці гадоў на тэрыторыі Мазырскага раёна назіраецца зніжэнне колькасці надзвычайных сітуацый і гібелі ў іх людзей з 12 да 5 чалавек.
Насуперак чаканням некаторых грамадзян, якія з'яўляюцца частымі парушальнікамі бяспекі і чакаюць ад прадстаўнікоў наглядных ведамстваў пакарання, задача назіральных камісій - дапамагчы прывесці домаўладанне ў пажарабяспечны стан. Нярэдкія выпадкі, калі ў момант наведвання чарговага адрасу ў доме наспявала надзвычайная сітуацыя, якая магла скончыцца трагічна.
Нягледзячы на афіцыйна ўсталяваныя буднія дні працы, назіральныя камісіі выходзяць у рэйды і па выхадных днях. Толькі з пачатку 2019 года на Мазыршчыне было абследавана ўжо больш за 800 домаўладанняў сіламі 19 камісій пры ЖЭУ і сельскіх Саветах. Застаецца спадзявацца, што насельніцтва і далей будзе прымаць актыўны ўдзел у папярэджанні надзвычайных сітуацый і колькасць здарэнняў будзе скарачацца.
Будь готов
Другие новости
