- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Жлобін. Назіральныя камісіі дапамагаюць пазбегнуць бяды
Работнікі Жлобінскага раённага падраздзялення МНС сумесна са старшынямі назіральных камісій і прадстаўнікамі іншых зацікаўленых суб'ектаў прафілактыкі ў перыяд калядных святаў правялі 24 рэйда, накіраваных на папярэджанне пажараў і гібелі людзей у жылым фондзе: 18 на тэрыторыі сельскіх Саветаў і 6 у горадзе.
Работнікамі МНС і членамі назіральных камісій было наведана 307 домаўладанняў (кватэр) грамадзян катэгорый «групы рызыкі». Пільную ўвагу было звернута на выкананне жыхарамі правілаў пажарнай бяспекі ў побыце, наяўнасць у іх домаўладаннях аўтаномных пажарных апавяшчальнікаў, іх спраўнасць, эксплуатацыю электрасетак і электраправодкі, пячнога ацяплення. Таксама з домаўладальнікамі праведзены інструктажы па выкананні асноўных правіл пажарнай бяспекі, пры абыходжанні з агнём, у тым ліку недапушчэння курэння ў ложку ў стане алкагольнага ап'янення.
Ратавальнікі нагадалі бацькам аб недапушчальнасці пакідання дзяцей без нагляду, а з дзецьмі правялі гутаркі па папярэджанні пажараў па прычыне дзіцячага свавольства з агнём і распавялі пра небяспеку гульняў на лёдзе.