Прыватнаму забудоўшчыку

Асноўныя пытанні супрацьпажарнага нармавання пры сядзібным будаўніцтве рэгулююцца ТКП 45-2.02-315-2018 «Пажарная бяспека будынкаў і збудаванняў. Будаўнічыя нормы праектавання». Будаўніцтва на зямельных участках павінна ажыццяўляцца ў адпаведнасці з распрацаванымі праектнымі арганізацыямі і зацверджанымі мясцовымі органамі ўлады дэталёвымі планамі забудовы. Пры гэтым на планах пазначаюцца канкрэтныя месцы пасадкі жылых будынкаў. Адступленне ад гэтых месцаў не дапускаецца. Супрацьпажарныя разрывы паміж жылымі дамамі і гаспадарчымі пабудовамі ў межах аднаго зямельнага ўчастка не нармуюцца. Гэта значыць, што будынкі, размешчаныя на Вашым участку, па пажарным патрабаванням можна размяшчаць без якіх-небудзь абмежаванняў.

Заўвага: супрацьпажарны разрыў — адлегласць паміж вонкавымі сценамі будынкаў, устанаўліваецца для прадухілення распаўсюджвання пажару. Пры наяўнасці канструкцый будынкаў, якія выступаюць больш чым на 1 м, выкананых з гаручых матэрыялаў, прымаецца адлегласць паміж гэтымі канструкцыямі.

Супрацьпажарныя разрывы паміж будынкамі і гаспадарчымі пабудовамі на суседніх прысядзібных участках прымаюцца па табліцы:

Заўвага: ступень вогнеўстойлівасці будынка залежыць ад матэрыялаў, якія выкарыстоўваюцца пры будаўніцтве. Вызначэнне ступені вогнеўстойлівасці будынка адносіцца да кампетэнцыі аўтара-распрацоўніка праектнай дакументацыі на жылы будынак.

Супрацьпажарныя разрывы паміж будынкамі і гаспадарчымі пабудовамі на суседніх прысядзібных участках не нармуюцца (не ўстанаўліваюцца):

1. пры сумарнай плошчы забудовы (уключаючы незастроенную плошчу паміж будынкамі), не перавышаючай максімальную дапушчальную плошчу пажарнага адсека будынка. Напрыклад, для будынкаў ніжэйшай (V) ступені вогнеўстойлівасці гэтая плошча не павінна перавышаць 800 кв. м. Вызначэнне сумарнай плошчы забудовы ўваходзіць у кампетэнцыю мясцовых органаў улады;

Заўвага: незабудаванай плошчай паміж жылымі дамамі і гаспадарчымі пабудовамі варта лічыць плошчу паміж бліжэйшымі сумежнымі вугламi будынкаў.

2. пры ўмове, што сцяна больш высокага з будынкаў, размешчанага насупраць іншага будынка, з'яўляецца супрацьпажарнай 1 тыпу (выканана з негаручых матэрыялаў, не мае аконных праёмаў і г. д.).

Жылыя пакоі жылых будынкаў абсталююцца аўтаномнымі пажарнымі паведамляльнікамі. У радыусе 260 м ад жылога дома павінна знаходзіцца месца для забору вады для вонкавага супрацьпажарнага водазабеспячэння (як правіла, гэта павінен быць пажарны гідрант) з наяўнасцю пад'езда да яго.

Названыя патрабаванні не з'яўляюцца вычарпальнымі. Пры будаўніцтве жылых будынкаў варта строга кіравацца палажэннямі праектнай дакументацыі. Будаўніцтва жылых будынкаў без праекта не дапускаецца.