МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. Бяспека ў гаражных кааператывах
Гаражныя кааператывы -- гэта месца павышанай небяспекі. У апошні час усё часцей аўтаўладальнікі выкарыстоўваюць свае гаражы для захоўвання не толькі аўтамабіляў, але і розных гаручых матэрыялаў, лёгкаўзгаральных вадкасцяў, а таксама балонаў з гаручымі газамі, што вельмі небяспечна. Для рамонту аўтамабіляў выкарыстоўваюць металазварачныя апараты, інструмент для рэзкі (апошні, дарэчы, вылучае іскры), карыстаюцца адкрытым агнём і яшчэ горш, выкарыстоўваюць для абагравання памяшкання гаража ацяпляльныя печы, зробленыя самастойна.
З мэтай забеспячэння бяспекі насельніцтва і папярэджання пажараў працаўнікі Буда-Кашалёўскага раённага аддзела па НС правялі прафілактычны рэйд у гаражных кааператывах. У ходзе гэтага мерапрыемства ўсім аўтааматарам нагадалі аб захаванні правіл пажарнай бяспекі, аб тым, што прытрымліванне гэтых правілаў з'яўляецца адным з важных патрабаванняў не толькі для бяспечнай эксплуатацыі аўтамабіля, але і для месца, дзе ён знаходзіцца. Распавялі аб правілах карыстання вогнетушыцелем, выклікання выратавальнікаў, дзеяннях у выпадку пажара. Каб гутаркі не прайшлі дарма, ўручылі памяткі па пажарнай бяспецы, а таксама размясцілі лістоўкі на інфармацыйных стэндах і шчытах гаражных кааператываў.
Будь готов
Другие новости
