- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Карма. У цэнтры ўвагі – маленькая цыгарэта
Усім даўно вядома, што курэнне забівае! На жаль часам гэта тычыцца не толькі самога курца, але і яго навакольных, у лік якіх уваходзяць блізкія людзі і дзеці…
З мэтай прыцягнення большай увагі грамадскасці да праблемы гібелі людзей рознага ўзросту на пажары, з прычыны неасцярожнага абыходжання з агнём пры курэнні, МНС Рэспублікі Беларусь у рамках рэспубліканскай акцыі «Не прапальвай сваё жыццё» запусціла новую інфармацыйна-прапагандысцкую кампанію – «Не чакай вавёрачку – тушы недакурак!».
Ратавальнікі Кармянскага раённага аддзела па надзвычайных сітуацыях у рамках гэтай акцыі актыўна ўзаемадзейнічаюць з жыхарамі Кармяншчыны, праводзячы прафілактычныя мерапрыемствы не толькі на аўтавакзале, прыпынках, прадпрыемствах і арганізацыях, але і размяшчаючы яркую наглядную прадукцыю ў розных кутках раёна.
Так за апошнія дні на вуліцах нашага раёна з'явіўся білборд па дадзенай тэматыцы. Тэматычныя воблеры знайшлі сваё прымяненне над паліцамі з алкагольнай прадукцыяй і тытунёвымі вырабамі, паштовыя скрыні шматкватэрных дамоў папоўніліся не толькі карэспандэнцыяй, але і некхенгерамі з папярэджаннем ад рудага звярка аб наступствах, да якіх прывядзе ўпаўшы на падлогу або ложак незатушенный недакурак.