- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Петрыкаў. Дапамога побач
Клопат аб пажылых людзях - задача, з якой справіцца ў адзіночку немагчыма, таму работнікі МНС і члены беларускай моладзевай грамадскай арганізацыі ратавальнікаў-пажарных аб'ядналіся для аказання дапамогі адзінокім пенсіянерам.
У рамках першага этапу рэспубліканскай акцыі "Моладзь за бяспеку" ратавальнікі і юныя памочнікі наведваюць грамадзян, якія маюць патрэбу ў павышанай увазе. Так у першы дзень акцыі работнікі Петрыкаўскага раённага аддзела па надзвычайных сітуацыях наведалі домаўладанне Маўко Алены Лявонцьеўны. З гаспадыняй правялі прафілактычную гутарку і проста пагаварылі аб жыцці, што для грамадзян пажылога ўзросту так важна.
Пасля невялікай гутаркі усе дружна прыняліся за працу. Работнікі МНС выканалі работы па распілоўцы дроў і ачысткі тэрыторыі ад непатрэбнай расліннасці, а юныя памочнікі ў гэты час дапамаглі перанесці з вуліцы ва ўнутр дапаможнага памяшкання сухія дошкі, якія гаспадыня будзе выкарыстоўваць для ацяплення свайго жылля. Акрамя гэтага, ратавальнікі праверылі стан пячнога ацяплення і спраўнасць аўтаномных пажарных апавяшчальнікаў.
Па заканчэнні ўсіх работ Алена Лявонцьеўна ад усёй душы падзякавала гасцей за аказаную дапамогу і пажадала ўсім моцнага здароўя і поспехаў ва ўсіх пачынаннях.