- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. На кантролі гарышчы і скляпы
Адкрыты склеп ці гарышча можа стаць добрым месцам начлегу для асоб, якія вядуць асацыяльны лад жыцця і часта з'яўляюцца віноўнікамі загаранняў.
У сувязі з гэтым з мэтай папярэджання пажараў і гібелі людзей ад іх у жыллёвым фондзе работнікамі Буда-Кашалёўскага раённага аддзела па НС праведзены чарговы рэйд па абследаванню гарышчаў і скляпоў у шматкватэрных жылых дамах г. Буда-Кашалёва і а.г. Камунар.
Асаблівая ўвага акцэнтавалася на магчымасць доступу ў паддашкавыя і падвальныя памяшканні старонніх асоб, выяўленне фактаў складзіравання гаручых матэрыялаў, смецця ў падвалах. Ацэньваліся стан электрычнай праводкі і электрычнага абсталявання, шляхоў эвакуацыі, а таксама захаванне жыхарамі агульнага супрацьпажарнага рэжыму.
У ходзе рэйду былі выяўлены падвальныя памяшканні, у якія не абмежаваны доступ старонніх асоб, а таксама ёсць факты захоўвання на шляхах эвакуацыі гаручых матэрыялаў. Пра выяўленыя недахопы праінфармаваны зацікаўленыя службы раёна, а балансатрымальніку жылога фонду накіравана прадстаўленне “Аб ліквідацыі прычын і ўмоў, якія спрыяюць узнікненню пажару”.