- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Мазыр. Пра бяспеку на вадаёмах
Не гледзячы на тое, што на гэтым тыдні надвор'е стала менш гарачым, бяспека на вадаёмах не губляе сваёй актуальнасці.
Сумесны рэйд прадстаўнікоў раённай арганізацыі рэспубліканскага дзяржаўна-грамадскага з'яднання «Беларускае рэспубліканскае таварыства ратавання на водах», працаўнікоў Мазырскага раённага падраздзялення МНС, а таксама аддзела ўнутраных спраў нагадаў жыхарам Мазыра пра правілы бяспекі на вадаёмах. Падчас рэйдавага мерапрыемства ўвага ўдзельнікаў была накіравана на прадухіленне няшчасных выпадкаў, бяспеку дзяцей, забарону купання ў не прадугледжаных для гэтага месцах берагавой лініі, а таксама на несанкцыянаваных пляжах.
Аматарам рыбнай лоўлі ратавальнікі нагадалі пра небяспеку гэтага віду адпачынку падчас навальніцы, бо снасці з'яўляюцца правадніком электрычнасці.
Напрыканцы размовы, як дарослым, так і дзецям былі ўручаны маляўнічыя памяткі з рэкамендацыямі аб выкананні правіл бяспекі.