МЧС Беларуси
МЧС Беларуси
Учреждение Гомельское областное управление МЧС Республики Беларусь
- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. Прафілактыка ў сельскай мясцовасці
У рамках рэспубліканскай акцыі «З клопатам пра бяспеку малой радзімы!" работнікі Буда-Кашалёўскага раённага аддзела па НС накіраваліся для правядзення прафілактычных мерапрыемстваў у сельскія населеныя пункты раёна.
Гэтыя месцы былі абраны не выпадкова. Лета -- гэта час адпачынкаў, канікул і добрага надвор'я, таму большасць людзей з'язджаюць з горада ў вёскі, каб папрацаваць на сваіх дачных участках. Таксама бацькі ў вёсках пакідаюць на канікулярны перыяд сваіх дзяцей, таму там колькасць жыхароў павялічваецца разам з рызыкай узнікнення пажараў.
Каб папярэдзіць узнікненне ўзгаранняў у сельскай мясцовасці, работнікі аддзела з дапамогай сігнальна-размаўляючай прылады службовага аўтамабіля даводзяць жыхарам вёсак асноўныя правілы пажарнай бяспекі, нагадваюць пра патрабаванні, якія неабходна выконваць пры развядзенні вогнішчаў, аб недапушчальнасці выпальвання сухой расліннасці, карыстання саматужнымі печамі, і адміністрацыйнай адказнасці за невыкананне гэтых патрабаванняў.
Яшчэ адна эфектыўная мера прафілактыкі -- гэта інфармаванне жыхароў праз аб'екты гандлю. Так, пакупнікам аўталавак ратавальнікі ў навучальнай форме нагадалі правілы бяспекі, а з рук прадаўцоў жыхары вёсак атрымлівалі наглядна-выяўленчую прадукцыю на супрацьпажарную тэматыку.
Не засталіся ўбаку і пытанні захавання правілаў пажарнай бяспекі ў побыце, наяўнасці і працаздольнасці аўтаномных пажарных апавяшчальнікаў, пакіданне дзяцей без нагляду. На гэта таксама падчас прафілактычных мерапрыемстваў акцэнтавалі ўвагу ратавальнікі.
Будь готов
Другие новости
