- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Акцябрскі. Гісторыя ў масы
Тушэнне пажараў заўсёды ажыццяўлялася вадой. Таму спосабы яе падачы ўвесь час удасканальваліся. У другой палове ХIХ стагоддзя з'явілася ручная пажарная помпа, якая для свайго часу была вельмі добрым інструментам для пажарных. З яе дапамогай можна было забраць ваду з глыбіні 7-8 метраў і падаць яе ў колькасці 150-375 літраў у хвіліну.
Людзі заўсёды цікавіліся гісторыяй, а ў пажарнай службы Беларусі яна не малая. І вось, для таго каб паказаць гэтую гісторыю наглядна, а таксама ў мэтах папулярызацыі прафесіі пажарнага-выратавальніка, работнікамі Акцябрскага раённага падраздзялення па надзвычайных сітуацыях на тэрыторыі аддзела была ўсталяваная ручная пажарная помпа ўзору другой паловы ХIХ стагоддзя. Тэрыторыю аддзела неаднаразова наведваюць жыхары раёна, у тым ліку і ў рамках экскурсій. Цяпер яны змогуць убачыць, які шлях прайшла пажарная служба Беларусі з моманту свайго з'яўлення.