- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. Дастукацца да кожнага
За два мінулыя месяцы бягучага года ў раёне назіраецца рост пажараў. Варта падкрэсліць, што менавіта агонь забраў жыццё аднаго з жыхароў Будакашалёўшчыны.
Для таго, каб паўплываць на абстаноўку і ў рамках рэалізацыі комплексу дадатковых мер па стабілізацыі сітуацыі з пажарамі і гібеллю ад іх людзей, начальнік раённага аддзела па надзвычайных сітуацыях Сяргей Халдай сустрэўся з жыхарамі аграгарадка Чабатовічы.
Пачаў сваё выступленне на сельскім сходзе Сяргей Анатольевіч з давядзення грамадзянам аператыўнай абстаноўкі з пажарамі на тэрыторыі Гомельскай вобласці і Буда-Кашалёўскага раёна, прывёў прыклады гібелі людзей на пажарах. Асаблівую ўвагу звярнуў на тыя, што адбываюцца па прычыне неасцярожнага абыходжання з агнём пры курэнні, нагадаў асноўныя патрабаванні пажарнай бяспекі пры устройстве і эксплуатацыі пячнога ацяплення, а таксама электраабсталявання.
Закрануў тэму дзіцячага свавольства з агнём. Маленькія дзеці, пакінутыя без нагляду, даволі часта выбіраюць небяспечныя цацкі, а наступствамі такіх “гульняў” можа стаць бяда. Каб на ранняй стадыі выявіць ўзгаранне ў доме, Сяргей Халдай прадэманстраваў прынцып устаноўкі і працы пажарнага апавяшчальніка.
Асаблівую ўвагу надаў навядзенні парадку на зямлі. Распавёў пра тое, што выпальванне сухой расліннасці забаронена, а развядзенне вогнішчаў дазволена толькі пры выкананні пэўных умоў. Растлумачыў прысутным аб мерах адміністрацыйнай адказнасці за парушэнні заканадаўства аб пажарнай бяспецы.
Таксама грамадзянам быў прадэманстраваны мабільны дадатак «МНС Беларусі: дапамога побач», дарэчы, ён з'яўляецца незаменным памочнікам у надзвычайнай сітуацыі, з яго дапамогай можна праверыць свае веды па правілах бяспекі.
У завяршэнне мерапрыемства ўсім прысутным была раздадзена наглядна-выяўленчая прадукцыя, дадзены адказы на пытанні, якія паступілі.