- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Буда-Кашалёва. Акцыя ў самым разгары
У рамках другога этапу акцыі «Моладзь за бяспеку» і з мэтай папулярызацыі і прапаганды дзейнасці Беларускай маладзёжнай грамадскай арганізацыі выратавальнікаў-пажарных у Крыўскай сярэдняй школе прайшло мерапрыемства «Адзін дзень з БМГАВП».
У час мерапрыемства юныя ратавальнікі расказалі дзецям пра сваю дзейнасць, пра падзеі і традыцыі арганізацыі, правялі віктарыну, прадэманстравалі відэафільм «Маладзёжны рух». Адметна і тое, што 12 хлопчыкаў і дзяўчынак былі прыняты ў шэрагі Беларускай маладзёжнай грамадскай арганізацыі выратавальнікаў-пажарных.
Не засталося па-за ўвагай і пытанне захавання правілаў бяспекі жыццядзейнасці. Інспектара сектара прапаганды і ўзаемадзеяння з грамадскасцю нагадалі навучэнцам аб прычынах узнікнення пажараў у побыце, аб мерах якія неабходна прадпрымаць у выпадку надзвычайнай сітуацыі. Распавялі і пра мабільны прыдатак «Дапамога побач», а таксама правялі розныя конкурсы, віктарыны і прэзентацыю часопіса «Юный спасатель». А самыя актыўныя ў падарунак атрымалі брашуру «Правілы бяспечных паводзін у розных НС».