- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Гомель. Заканчваюцца летнія вакацыі!
Лета – гэта адзін з самых прыемных, але ў той жа час небяспечных перыядаў для дзяцей. Бо па статыстыцы, найбольшая колькасць траўмаў сярод дзяцей прыпадае на летні перыяд.
З мэтай папярэджання выпадкаў узнікнення пажараў па прычыне дзіцячага свавольства з агнём, а таксама гібелі і траўматызму дзяцей у горадзе Гомелі усё лета праходзіла рэспубліканская акцыя «Канікулы без дыму і агню». Заключным мерапрыемствам у рамках акцыі стала масавае мерапрыемства на адкрытай пляцоўцы каля Лядовага палаца. У мерапрыемстве прынялі ўдзел дзеці з усіх прышкольных лагераў Цэнтральнага раёна.
Работнікі Гомельскага гарадскога аддзела па надзвычайных сітуацыях сумесна з актывістамі Беларускай маладзёжнай грамадскай арганізацыі выратавальнікаў-пажарных правялі з дзецьмі прафілактычныя гутаркі, пагулялі ў бяспечныя «Крыжыкі-нулікі», пажарны баскетбол, а таксама вучыліся збіраць «ртуць». Хлопцы таксама маглі азнаёміцца з пажарна-тэхнічным узбраеннем, прымерыць баявую вопратку і фатаграфавацца ў пажарнай машыне. У канцы мерапрыемства ўсе атрымалі памятныя падарункі ад МНС.