- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Жлобін. Папярэдзіць гібель людзей
З мэтай папярэджання пажараў і гібелі людзей ад іх у Жлобінскім раёне, а таксама для інфармавання насельніцтва па пытаннях пажарнай бяспекі работнікі Жлобінскага раённага падраздзялення МНС праводзяць прафілактычныя гутаркі ў працоўных калектывах і выступаюць на сельскіх сходах.
У ходзе сустрэч работнікі МНС падрабязна спыняюцца на пытаннях забеспячэння пажарнай бяспекі ў кватэрах і прыватных дамах, асаблівую ўвагу надаюць выкананню правілаў эксплуатацыі электрапрыбораў, газавым абсталяваннем і бытавымі катламі і, вядома ж, вядуць гутарку аб недапушчальнасці курэння ў жылых памяшканнях. Неасцярожнае абыходжанне з агнём пры курэнні па-ранейшаму застаецца асноўнай прычынай ўзнікнення пажараў і гібелі на іх людзей.
Таксама ратавальнікі нагадалі аб адказнасці бацькоў за жыццё і здароўе дзяцей, зрабілі акцэнт на недапушчальнасці пакідання дзяцей без нагляду, прывялі прыклады гібелі дзяцей на пажарах, распавялі аб эфектыўнасці і неабходнасці ўстаноўкі аўтаномных пажарных апавяшчальнікаў у дамах і кватэрах, рэкамендавалі ўсталяваць мабільнае прыкладанне «МНС Беларусі. Дапамога побач».
Падчас мерапрыемства для прысутных дэманстраваліся тэматычныя відэаролікі прафілактычнай накіраванасці.
У завяршэнне сустрэчы ратавальнікі адказалі на ўсе пытанні, далі неабходныя парады і рэкамендацыі.