- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Нароўля. Рэйдавыя мерапрыемствы па месцах уборкі ўраджаю
У летні перыяд работнікі МНС Нараўлянскага раёна праводзяць рэйдавыя мерапрыемствы па месцах уборкі ўраджаю.
Асноўнай задачай рэйдаў становіцца кантроль выканання правілаў пажарнай бяспекі, што будзе з'яўляцца гарантыяй паспяховай уборачнай кампаніі. У ходзе рэйдавых мерапрыемстваў з асобамі, задзейнічанымі ва ўборачнай кампаніі, праведзены гутаркі пра неабходнасць выканання патрабаванняў пажарнай бяспекі, характэрных для дадзенага перыяду сельскагаспадарчых работ. Акцэнт быў зроблены на камплектаванне тэхнікі, месцаў захоўвання і перапрацоўкі ўраджаю сродкамі супрацьпажарнай абароны і на веданне персаналам алгарытму дзеянняў у выпадку ўзнікнення пажару. Работнікі Нараўлянскага аддзела па надзвычайных сітуацыях наглядна нагадалі правілы выкарыстання першасных сродкаў пажаратушэння і ўручылі наглядна-выяўленчую прадукцыю МНС.