- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Петрыкаў. На прыродзе без НС
Канікулы без дыму і агню - галоўная задача работнікаў МНС. А каб канікулы былі бяспечнымі, ратавальнікі з навучальнай і прафілактычнай праграмай наведваюць дзятву не толькі ў школах, але і ў палатачных лагерах.
Прыемнай нечаканасцю для дзяцей стаў візіт ратавальнікаў у палатачны лагер, які размясціўся недалёка ад ракі Прыпяць. Работнікі раённага падраздзялення па НС з хлопцамі і дзяўчатамі правялі прафілактычныя гутаркі на тэму бяспечнага адпачынку ў лесе і на вадзе.
Прывялі трагічныя выпадкі гібелі людзей на вадзе і заклікалі ні ў якім разе не купацца ў забароненых месцах. Паўтарылі дзеянні ў выпадку пажару і нумары экстранных службаў.
Правялі віктарыны па бяспецы жыццядзейнасці, дзе дзеці паказалі высокія веды ў галіне бяспекі. Прэзентавалі мабільны дадатак "МНС Беларусі: дапамога побач" і раілі ўсталяваць яго ў сваіх тэлефонах. На памяць уручылі тэматычныя буклеты і пажадалі бяспечнага адпачынку.