- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Ельск. Прафілактычная праца з бацькамі
На гэтым тыдні ў рамках правядзення другога этапу рэспубліканскай акцыі «Не пакідайце дзяцей адных!» работнікі раённага падраздзялення МНС правялі прафілактычныя выступленні на бацькоўскіх сходах у дашкольных і агульнаадукацыйных установах раёна, а таксама з будучымі мамамі ў цэнтральнай бальніцы.
Галоўная тэма гэтых выступленняў была і застаецца тэма папярэджання дзіцячага траўматызму. Ратавальнікі ў сваіх выступах зрабілі акцэнт на асноватворнай ролі бацькоў у гарантаванні бяспекі дзіцяці. Многія бацькі нават не падазраюць аб тым, што тыя ці іншыя прадметы могуць прадстаўляць небяспеку для дзіцяці. У такіх выпадках ратавальнікі даюць самы просты, але і самы дзейсны савет - зірніце на свет вачыма свайго дзіцяці. Апусціцеся на ўзровень росту малога і паглядзіце, якія прадметы могуць выклікаць у яго цікавасць і ў той жа час нанесці шкоду? Абрус з вазай, шнуры ад тэлевізара і кампутара, кубак з гарбатай, якая стаіць на краі стала, гарачыя рондалі і патэльні на пліце. Уважліва паглядзіце вакол і прыбярыце тыя прадметы, да якіх дзіця можа дацягнуцца. Тым самым вы зможаце пазбегнуць сур'ёзных праблем.
Таксама ў ходзе правядзення выступаў ажыццяўлялася дэманстрацыя відэафільмаў «Недзіцячыя гульні», «Цана імгнення».