- Адреса и телефоны
- 246023, г. Гомель, проспект Речицкий, 35а/14
- (8-0232) 25-15-50
- (8-0232) 25-15-50
- gomel@mchs.gov.by
Рагачоў. Работу неабходна аналізаваць
У Рагачоўскім раённым аддзеле па надзвычайных сітуацыях адбылося падвядзенне вынікаў працы за 2018 год з удзелам намесніка начальніка ўстановы Гомельскага абласнога ўпраўлення МНС Максімюк Мікалая Пятровіча.
Мерапрыемства пачалося з дакладу начальніка Рагачоўскага раённага аддзела па НС Маслюкова Васіля Уладзіміравіча, які агучыў вынікі работы аддзела за 2018 год, адзначыў станоўчыя моманты ў службовай дзейнасці і акрэсліў напрамкі, на якіх трэба сканцэнтраваць увагу ў 2019 годзе.
- Вы павінны аналізаваць сваю праведзеную працу. Гэта дазволіць эфектыўна ацаніць і яе аб'ём, і якасць, - адзначыў Мікалай Максімюк. - Параўноўвайце свае вынікі з мінулым годам і паказчыкамі іншых раёнаў вобласці. Кожны работнік павінен працаваць эфектыўна на агульны вынік, ня дзелячы працу на «свая» і «чужая», тады ўвесь аддзел будзе працаваць як адзін спраўны механізм, што дазволіць справіцца з любой пастаўленай задачай.
Мерапрыемства прайшло ў форме канструктыўнага дыялогу, у якім работнікі аддзела агучылі напрацоўкі і праблемныя моманты ў напрамку дзейнасці.
У завяршэнне мерапрыемства Мікалай Пятровіч Максімюк даў аб'ектыўную ацэнку дзейнасці гарнізона за 2018 года і напярэдадні Дня выратавальніка павіншаваў рагачоўскіх калег з прафесійным святам.